„Дер Класикер“ за титула: Сите очи вперени во Халанд и Левандовски

Бундеслигата е првото од најдобрите пет првенства во Европа која ја продолжи сезоната и само не потсети колку ни недостасувал фудбалот изминатите месеци.

Денес на програмата е големото дерби помеѓу Борусија Дортмунд и Баерн Минхен, популарното „Дер Класикер“ кое може директно да одлучи за титулата. „Милионерите“ моментално заостануваат четири бода и со победа ќе ја направат завршницата исклучително интересна. Во спротивно Баварците ќе бидат на чекор до нова титула во Бундеслигата.

Да се биде или не за Борусија

„Милионерите“ во овој меч влегуваат со четири поени негатива зад вечниот ривал и единствена опција за нив е победа, ако се знае дека до крајот на првенството остануваат уште 7.кола вклучувајќи го и денешниот меч. Домаќините на овој дуел многу веројатно ќе бидат без Санчо кој има ситна повреда, но добрата вест за тренерот Фавр е што Хумесл и Витсел се рехабилитраа и ќе бидат спремни за дербито. Дортмунд во продолжението на сезоната покажа дека е во одлична форма и запиша две победи на кои постигна шест гола, а не прими ниту еден. Домашниот терен сепак ќе биде мала предност за „милионерите“ и покрај фактот што мечот ќе се игра без публика.

Баерн и со проблеми е недостижен за конкуренцијата

Баварците лошо ја отворија сезона, имаа тренерска смена и многу проблеми, но и во такви околности Баерн е недостижен за конкуренцијата и брзо се искачи на врвот на табелата. Баварците оваа сезона имаат големи дефанзивни проблеми, што се виде на последниот меч со Ајнтрахт кога примија два гола, а можеа да примат уште толку. Флик за овој меч нема да може да смета на услугите на Филипе Кутињо и Тиаго Алкантара, но нападот предводен од Левандовски е најсилниот адут на Баварците.

Дуел Левандовски – Халанд

И двајцата имаат сезона за паметење и со 41 постигнат гол се меѓу најдобрите стрелци во Европа. Левандовски со 27 гола е прв стрелец во Бундеслигата и најдобар стрелец во Лигата на шампионите со 11 погодоци. Норвежанецот пак веднаш се адаптираше во Бундеслигата и продолжи таму каде што застана во Салцбург.

Поради тоа со право овој натпревар се гледа како дуел на двајцата фантастични голгетери и се очекува да бидат клучни за крајниот резултат. Во отсуство на врвен фудбал во Европа, денес сите очи ќе бидат вперени кон ова дерби, а тоа може да биде додатна мотивација за нив.

Предлог тип

Ова е дуел на два одлични напади и очекуваме многу голови. Нашиот предлог е „повеќе од 3,5 гола“, а тоа може да го изиграте во Coinbet24 со коефицинет 2.03.