Денес нема голема понуда за обложување, а ние за вас ќе го анализираме дуелот од шпанската Секунда помеѓу Еибар и Леванте.
Може ли Еибар да се врати во Примера?
Пред три години Еибар испадна во втора лига после некоку успешни години во Примера и од тогаш не успева да се врати во елитата. Минатата година заврши на третото место на табелата, играше плеј-оф и беше блиску до враќање, но не успеа. Оваа сезона ја започна со иста цел и после две одиграни кола има четири бода. Ако по утрото денот се познава ова може да биде многу успешна сезона за Еибар, но секако ги чека долг пат. Целта е враќање во Примера,но конкуренцијата оваа сезона е уште поголема. Сега на гости им доаѓа Леванте, тим со кој во последно време имаат добри резултати и немаат пораз изминатите три години во меѓусебните дуели. Притоа, имаат предност од домашниот терен и се благи фаворити на овој меч.
Леванте сака да се врати во елитата
Леванте играше одлично неколку сезони во Примера со нашиот Енис Барди, но пред две години испадна во втора лига. Од тогаш главна цел е враќање во Примера, па така ќе биде и оваа сезона. Минатата сезона не беше успешна бидејќи Леванте заврши на осмото место и не успеаа да дојде ни до баражот. Оваа сезона ја започна подобро и има четири бода во првоте две кола, а овој меч ќе биде сериозен тест. Во првото коло победи на гости, но минатото коло киксна на домашен терен и одигра реми со Кадиз. Ова по традиција е тешко гостување за Леванте, па целта е да останат непоразени и реми секако дека ќе им одговара.
Очекување
Дуел на два тима кои играат отворен фудбал и сакаат да се надигруваат, па веруваме дека ќе има голови на двете страни.
Be the first to comment