Денес започнува вториот круг на Европското првенство, а ние за вас ќе го анализираме дуелот помеѓу Хрватска и Албанија.
Хрватска нема право на кикс
Хрватската репрезентација уште во текот на квалификациите покажа одредени слабости и едвај обезбеди пласман на Европско првенство како второпласирана селекција. Тоа требаше да биде аларм за „коцкестите“ кои на големите натпреварувања секогаш играат одлично.На претходните две светски првенства стигнаа до завршницата, па со право доаѓаат со големи амбиции на ова Европско првенство. Меѓутоа, во првото коло беа изненадувачки декласирани од Шпанија со 3:0, па сега немаат право на кикс и се наоѓаат пред императив победа на овој меч. Хрватска се наоѓа во „групата на смртта“ каде покрај Шпанија и Албанија тука е уште и Италија, па доколку не победат на овој меч ќе мора да се пакуваат за назад.Секако, најважен играч во репрезентацијата е Лука Модриќ, за кого ова е последното големо натпреварување, но се уште игра на врвно ниво. Токму Модриќ заедно со Брозовиќ и Ковачиќ како најискусни мора да ја поведат репрезентацијата до победа на овој меч.
Албанија солидна против Италија
Албанската репрезентација години наназад игра солидно во квалификациите, па нивниот пласман на Европско првенство не е големо изненадување. Секако, самиот пласман на ЕП е голем успех и тешко дека оваа селекција може повеќе од тоа, но покажаа дека нема лесно да се предадат. Имаат голема поддршка од трибините, мотивот е на највисоко ниво, а имаат и квалитетни фудбалери кои играат во големи тимови како Џимшити, Броја, Аслани, Хисај… На првиот меч против Италија Бајрами го постигна најбрзиот гол на Европските првенства, но и тоа не беше доволно да ги изненадат „аѕурите“ и загубија со 2:1. Сепак, Албанија се покажа во добро светло и малку недостасуваше да извадат реми. па самодовербата во тимот е на највисоко ниво и во овој дуел ќе влезат да се надигруваат и да да изненадат „разнишаната“ Хрватска.
Очекување
Квалитетот и искуството се на страната на Хрватска која се наоѓа пред императив победа, па веруваме дека ќе ги освои трите бода, иако Албанија ќе пружи солиден отпор.
Be the first to comment