Денес има солидна понуда за обложување, а ние за вас ќе го анализираме заостанатиот натпревар од Премиер лигата помеѓу Брајтон и Челзи.
Можеше ли Брајтон повеќе оваа сезона?
Брајтон минатата сезона постигна историски успех и успеа да избори пласман во Европа, а оваа сезона само потврди дека тоа не било случајно. И покрај фактот што заминаа многу важни фудбалери тренерот Де Зерби сепак ги опревда очекувањата и во Лига Европа се претстави одлично. Во Премиер лигата моментално се наоѓа на 11-то место на табелата, но треба да се напомене дека во последниот период тимот влезе во серија на лоши резултати, па тоа доведе до пад на табелата. Сепак, Брајтон игра одлично и е секогаш незгоден против фаворитите, како што видовме минатите две кола против Астон Вила и Њукасл кога освои четири бода. Брајтон сега игра без спортски императив, но сигурно ќе сака сезоната да ја заврши со победа против голем фаворит на домашен терен. Иако Брајтон ја освтвари главната цел оваа сезона, сепак впечатокот е дека можеше многу повеќе.
Челзи потфрли оваа сезона
Ова е уште една промашена сезона на Челзи, кој имаше катастрофална претходна сезона каде и покрај енормните вложувања остана без пласман во европските натпреварувања. Пристигна нов тренер, имаше промени во тимот, па секако очекувањата од овој тим сезонава беа многу поголеми. Меѓутоа, „сините“ многу лошо ја отворија сезоната, па иако подоцна заиграа подобро, сепак впечатокот е дека и оваа сезона ќе биде „фрлена“. Во последно време „сините“ влегоа во добра форма, имаат три победи поред, па дојдоа до ситуација да се борат за пласман во Европа. Со победа на овој натпревар Челзи ќе се искачи на6-то место на табелата, па во последното коло ќе може да се надева дури и на пласман на 5-то место доколку Тотенхем не победи. Тоа би било одличен пласман, ако се знае дека тимот до неодамна беше на средина на табелата.
Очекување
Дуел на два тима кои играат отворен фудбал, па очекуваме ефикасен меч, но Челзи има поголем мотив за победа и веруваме дека ќе ги освои трите бода.
Be the first to comment