Денес имаме неколку интересни натпревари, а во центарот на вниманието ќе бидат европските дуели каде што ќе се одлучуваат финалистите за конференциската лига и Лига Европа. Од 21:00 во Бергамо ќе се сретнат екипите на Аталанта и Марсеј. Резултатот од првиот натпревар беше 1-1, па овие два тима рамноправно влегуваат во овој реванш дуел.
Тимот од Бергамо блеска во последно време
Години наназад Аталанта припаѓа во „кремот“ на италијанскиот фудбал, а сето тоа е тесно поврзано со доаѓањето на Гасперини во далечната 2016 година. Минатата сезона Аталанта стигна до позиција која води во Лига Европа и сега еве стигнаа до ½ финалето од ова натпреварување. Тие немаа големи проблеми на тој пат, а како најголем успех за оваа сезона ќе го означиме триумфот и елиминацијата на Ливерпул во нокаут фазата од Лига Европа. Во првиот полуфинален дуел изиграа одлично и остварија резултат 1-1 кој во никој случај не е за потценување. Што се однесува до Серија А, реално е дека овој тим следната сезона може да го гледаме во Лигата на шампиони што е одличен успех.
Може ли да имаме француски претставник во финалето од Лига Европа?
Впечатокот е дека оваа сезона за Марсеј не можеше да започне полошо. Во август беа елиминирани од Лигата на шампиони и тоа на почетокот од грчкиот Панатенаикос и тоа беше големо изненадување, па тимот од Велодром мораше да се задоволи со пласман во Лига Европа. Во групната фаза завршија на второто место, а прв препрека во нокаут фазата беше Шахтјор кој беше елиминиран во еден спектакуларен двомеч. Во француската Лига 1 не прикажаа некои импресивни игри и искрено очекувавме многу повеќе од нив бидејќи се наоѓаат на 9-та позиција на табелата. Исто така мора да нагласиме дека оваа сезона Марсеј не игра кој знае колку добро кога се во прашање натпреварите на гостински терен.
Очекување
Општиот впечаток е дека тимот на Аталанта оваа сезона покажа многу повеќе и во домашното првенство, но и во Европа, па на овој натпревар влегуваат како фаворити и очекуваме да ја оправдаат таа улога.
Be the first to comment