Денес нема голема понуда за обложување, а ние за вас ќе го анализираме дуелот од Серија А помеѓу Удинезе и Интер.
Удинезе се бори за опстанок
Удинезе оваа сезона не ги оправда очекувањата и според квалитетот на тимот очекувањата за овој тим беа многу поголеми. Јасно е дека главна цел за тимот од „Фриули“ од стартот беше обезбедуње на опстанок, но се очекуваше многу полесно и порано да обезбеди опстанок во елитата. Удинезе многу лошо ја отвори сезоната и слабиот старт потоа влијаеше на целата сезона. Сега во последниот период значително ја подобри формата, но моментално е на 15-то место на табелата и само два бода го делат од опасната зона. На гости им доаѓа најсилниот тим во лигата, кој игра во фантастична форма, па тешко дека Удинезе ќе успее да остане непоразен. Меѓутоа, сигурно нема лесно да се предаде и ќе се обиде да го искористи домашниот терен да дојде барем до реми.
Интер на чекор до Скудетото
Интер игра фантастична сезона и е многу блиску до титулата, па тоа е само прашање на време „Нероаѕурите“ се во фантастична форма и во серија на победи, а оваа сезона особено добро играат во дерби натпреварите, на голема радост на фановите. Тимот е разочаран поради елиминацијата од Лигата на шампиони каде беше елиминиран од Атлетико после изведување на пенали. Меѓутоа, во Серија А игра одлично и Инзаги има голем ростер на фудбалери, а оваа сезона и нема големи проблеми со повреди. Интер не е пред императив победа бидејќи има голема предност на врвот, па може да си дозволи и реми. Тоа значи дека „нероаѕурите“ ќе играат растеретено, без притисок, а Инзаги ќе може да им даде шанси на некои млади фудбалери. Сепак, квалитетот на Интер е многу голем, а и формата е одлична, па во секој случај е голем фаворит и може рутински да дојде до победата.
Очекување
Гостите се големи фаворити, но бодовите им се повеќе потребни на домаќините кои се борат за опстанок. Тоа ќе придонесе за возбудлив меч и веруваме дека ќе биде богат со голови.
Be the first to comment