Денес има голема понуда за обложување, а во фокусот секако ќе биде најголемото дерби во Англија помеѓу Манчестер Јунајтед и Ливерпул.
Дуел на двата најтрофејни англиски клубови и историски најголеми ривали. Ливерпул оваа сезона се бори за титулата, а Манчестер Јунајтед повторно заостанува, но за „црвените ѓаволи“ ќе биде голема радост ако го спречат ривалот на патот до титулата.
Манчестер Јунајтед во многу лоша форма
Манчестер Јунајтед минатата сезона конечно избори пласман во Топ 4 и се врати во Лигата на шампиони, па оваа сезона се очекуваше исчекор на „црвените ѓаволи“. Меѓутоа, тимот не ги оправдува очекувањата до сега како во Премиер лигата, така и во Лигата на шампиони. Јунајтед моментално се наоѓа на шестото место на табелата и заостанува 11 бода од четвртото место, но со еден меч помалку. Меѓутоа, тимот моментално не е во добра форма. Имено, „црвените ѓаволи“ на последите пет меча имаат само една победа, што е премалку за тим со таков квалитет. Пред само четири дена запишаа многу болен пораз од Челзи, иако имаа предност од 100-та минута од мечот. Ова е посебен меч за „црвените ѓаволи“ против најголемиот ривал и мотивот е секогаш на највисоко ниво, па ќе се обидат да ги спречат „црвените“ да дојдат до титулата.
Ливерпул полага дипломска за титула
Ливерпул минатата сезона разочара и не успеа да се пласира во Топ 4, па очекувањата за оваа сезона беа многу поголеми. Клоп донесе неколку големи засилувања во летниот преоден рок, па се оди според плановите оваа сезона. Ливерпул е еден од главните фаворити за титулата и моментално е лидер на табелата, па сигурно до крај ќе се бори да ја врати титулата на „Енфилд“. Тимот е во одлична форма и на последните пет меча има едно реми и запиша четири победи. Клоп соопшти дека ова е последна сезона за него на кормилото, па тоа треба да му даде посебен мотив на тимот да го испрати со титула. Сега гостува кај најголемиот ривал и ова сигурно ќе биде најголем тест за „црвените“. Со еветуална победа на „Олд Трафорд“ ќе покажат дека се зрели за титула и ќе направат голем чекор напред. Меѓутоа, без оглед на фактот што Јунајтед не е во добра форма, секогаш е најтешко да се победи на „Олд Трафорд“, а Ливерпул најдобро го знае тоа.
Очекување
Дерби натпреварите помеѓу овие два тима се секогаш возбудливи и неизвесно, но по традиција се и богати со голови, па веруваме дека така ќе биде и овој пат.
Be the first to comment