Денес нема голема понуда за обложување, па фокусот ќе биде на натпреварите од Премиер лигата, а ние за вас ќе го анализираме дуелот помеѓу Манчестер Сити и Астон Вила.
Сити нема право на кикс
Манчестер Сити повторно фаворит за титулата, но оваа сезона ќе биде многу потешко бидејќи покрај Арсенал на титулата атакува и Ливерпул. Минатото коло не успеаа да го победат директниот ривал на домашен терен, па сега заостануваат три бода зад Ливерпул. Поради тоа немаат право на кикс и овој меч може да се покаже како клучен за шампионската трка. Оваа сезона не почна најдобро за „граѓаните“, кои имаа неколку лоши резултати на стартот. Најголема причина за тоа беа повредните на важните фудбалери. Де Брујне го пропушти првиот дел од сезоната, исто како и Халанд кој долго време беше надвор од терените. Меѓутоа, Сити покажа дека има широк состав, па и без двајцата најдобри фудбалери се задржа на врвот. Тимот на Гвардиола игра најдобро кога е најпотребно, па поради тоа очекуваме да ги освои трите бода на овој меч.
Астон Вила полека паѓа
Астон Вила на почетокот на сезоната беше најпријатното изненадување во Премиер лигата и во еден момент беше на лидерската позиција. Јасно беше дека овој тим не може да се бори за врвот, па дојде до очекуван пад на формата и тимот моментално се наоѓа на четвртото место на табелата. Емери одлично го води тимот, па сега амбициите се зголемија и Астон Вила сигурно до крајот на сезоната ќе се бори за место во Топ 4, но тоа нема да биде воопшто лесно бидејќи конкуренцијата е голема. Астон Вила минатото коло запиша важна победа и покажа дека не треба да се отпишува, но ова е најтешкото гостување и тешко дека ќе може да се врати во Бирмингем со бодови.
Очекување
Квалитетот и формата се на страната на домаќинот, па очекуваме Сити да ги освои трите бода, иако Астон Вила нема да се предаде лесно и знае да биде незгоден противник.
Be the first to comment