Денес во фокусот секако ќе бидат реванш осминафиналните натпревари во Лигата на шампиони, а особено интересно ќе биде во Минхен на дуелот помеѓу Баерн и Лацио.
Разнишаниот Баерн игра за спас на сезоната
Баерн Минхен ја игра една од најслабите сезони во последната деценија и просто Баварците изгледаат непрепознатливо. Во Бундеслигата веќе долго немаат победа и заостануваат цели десет бода зад лидерот, па по се изгледа дека после долго време ќе ја предадат титулата. Баерн според квалитетот е еден од фаворитите во Лигата на шампиони, но игра лошо па е доведен во прашање и нивниот пласман во четвртфиналето. Во првиот меч беше поразен во Рим со резултат 1:0, па сега се наоѓа пред императив победа. Баерн ќе брка негатива во еден од најважните натпревари сезонава бидејќи со елиминација дефинитивно ќе заврши сезоната за Баварците. Домашниот терен секако ќе биде предност, а квалитетот и искуството треба да служат за да се одигра најдобриот натпревар кога е најпотребно.
Лацио гледа шанса за историја
Лацио после неколку сезони се врати во најелитното натпреварување и ја оствари главната цел – пласман во нокаут фазата. Тимот на Сари воопшто немаше лесна група, но успеа да заврши на второто место веднаш позади Атлетико Мадрид. Сепак, Лацио немаше среќа во ждребот и за противник го доби еден од најсилните тимови во лигата. Меѓутоа во првиот меч Лацио покажа дека не се предава однапред и запиша голема победа од 1:0, а може и да жали што не славеше поубедливо. Со оглед на слабата форма на противникиот и добриот резултат од првиот меч сега Лацио гледа шанса за пласман во четвртфиналето, што ќе биде големо изненадување. Сари сигурно ќе игра претпазливо и ќе се обиде преку контранапади да се заканува, па ако е потребно и после продолженија или пенали да ја оствари целта.
Очекување
Квалитетот и искуството се на страната на Баерн па веруваме дека Баварците конечно ќе одиграат квалитетен меч кога е најпотребно и ќе запишат победа.
Be the first to comment