Денес има голема понуда за обложување, а во фокусот секако ќе биде дербито од Серија А помеѓу Лацио и Интер.
Лацио под очекувањата оваа сезона
Лацио оваа сезона е едно од најголемите разочарувања во Серија А. Тимот минатата сезона избори пласман во ЛШ и се очекуваше оваа сезона повторно да биде еден од главните фаворити за место во Топ 4. Меѓутоа, Лацио игра многу лошо и променливо оваа сезона, па моментално се наоѓа на 11-то место на табелата. Притоа, е во многу слаба форма и има само една победа на последните пет меча. Замина Милинковиќ-Савиќ па не беше доведена адекватна замена, па впечатокот е дека Сари нема тим за да игра на два фронта. Во Лигата на шампиони ги исполни очекувањата и избори пласман во осминафиналето, но мора да ги поправи резултатите во Серија А. Сега на гости му доаѓа најсилниот тим во лигата, па со позитивен резултат сигурно ќе се поправи самодовербата и атмосферата во тимот.
Интер ита кон Скудетото
Интер направи многу промени во тимот ова лето, но на одличен начин ја отвори сезоната со пет победи во првите пет кола. „Нероаѕурите“ доведоа адекватни засилувања и покажаа дека и оваа сезона ќе бидат едни од главните фаворити за победа. Секако дека главната цел на „нероаѕурите“ оваа сезона ќе биде Скудетото, но тимот игра одлично и во ЛШ. Што се однесува до нападот тука имаше најголеми промени и се чини дека нападот оваа година е послаб и во главно работите зависат од Лаутаро, но Турам исто така одлично се вклопи во тимот. Интер игра одлично оваа сезона во дерби натпреварите и победи на сите дерби мечеви и ремизираше само на гостивањето кај Јувентус. Со победа на овој меч Интер ќе ја потврди фаворитската улога за титулата, но треба да се напомене дека ова по традиција е тешко гостување за „нероаѕурите“.
Очекување
Дерби натпреварите помеѓу овие два тима се секогаш неизвесни и богати со голови, па веруваме дека така ќе биде и овој пат.
Be the first to comment