Денес нема голема понуда за обложување, а ние за вас ќе го анализираме дуелот од Серија А помеѓу Каљари и Сасуоло.
Каљари знае да игра само на домашен терен
Тимот од Сардинија експресно се врати во Серија А после само една година помината во Серија Б, па сега главната цел оваа сезона ќе биде опстанок во елитата. Меѓутоа, тоа воопшто нема да биде лесно бидејќи конкуренцијата е голема, а Каљари не донесе големи засилувања ова лето. Впечатокот е дека овој тим е силен за Серија Б, но е слаб за најсилната лига. Каљари лошо ја отвори сезоната, а потоа следуваа две победи на домашен терен, но на последните ри меча освои само еден бод и се уште е во зоната за испаѓање. Најсилен адут на овој тим е домашниот терен и сите бодови ги освојува дома, па доколку сака да обезбеди опстанок треба да игра подобро на гости.
Сасуоло е непредвидлив
Сасуоло оваа сезона не е на нивото на претходните и моментално се наоѓа на 14-то место на табелата. Примарна цел на овој тим е секако да обезбеди опстанок, а според квалитетот не би требало да има проблем да го постигне тоа. Сасуоло игра топло-ладно и е многу непредвидлив, па ги изненади Интер и Јувентус, а потоа следуваа натпревари каде загуби од многу послаби тимови. На последните пет меча има само една победа, а ова по традиција е тешко гостување за сите во Италија. Поради тоа и освојување на бод ќе биде успех за Сасуоло, кој на секој натпревар сака да се надигрува.
Очекување
Дуел на два тима кои се непредвидливи оваа сезона и играат променливо, па поради тоа веруваме дека ќе биде неизвесен дуел со голови на двете страни.
Be the first to comment