Денес во фокусот ќе бидат натпреварите од квалификациите за Европско првенство, а ние за вас ќе го анализираме дуелот помеѓу Италија и Македонија.
Италија нема право на кикс
Италија на среде квалификации остана без селектор откако Роберто Манчини реши да се пресели во Саудиска Арабија. На негово место дојде Спалети, кој веднаш имаше кикс против Македонија во Скопје. После тоа Италија запиша две победи, а најважната е секако со Украина на домашен терен. Сега Италија повторно ја тресе скандал со обложување на фудбалери, но „аѕурите“ до крај ќе се борат со Украина за второто место и како што стојат работите немаат право на кикс на овој меч. Спалети се наоѓа пред императив победа, но има проблем со повредени фудбалери, а последно од тимот поради повреда испадна Бастони. Меѓутоа „аѕурите“ имаат широк ростер и секако дека се големи фаворити на овој меч. Меѓутоа, против Македонија по традиција играат лошо и немаат победа на последните три меѓусебни меча.
Македонија знае како против Италија
Мекедонија многу лошо ги започна овие квалификации со два порази од Англија и Украина, а посебно болен беше тој од „Гордиот Албион“ со високи 7:0. Сепак избраниците на Милевски се поправија во последно време и освоија четири бода на последните два меча против Италија и Малта. Особено карактер покажаа против „аѕурите“ кога одиграа реми во Скопје. Впечатокот е дека најголем кикс е домашниот меч со Украина, кога имавме предност од 2:0 и дозволивме пресврт. Потоа следуваше пораз на гостувањето кај Украина со што дефинитивно ги загубивме шансите за пласман на ЕП. Поради тоа овој дуел за нас нема резултатско значење, но играњето против Италија е мотив сам по себе.
Очекување
Италија е голем фаворит на овој меч и има поголема потреба од бодови, но Македонија нема лесо да се предаде. Веруваме дека ќе биде возбудлив меч со многу голови.
Be the first to comment