Денес има богата понуда за обложување, а во фокусот ќе бидат натпреварите од Лига Европа, па ние за вас ќе го анализираме дуелот помеѓу Ајакс и Брајтон.
Ајакс не памети вака лоша сезона
Гигантот од Амстердам ја игра една од најлошите сезони во поновата историја. Во холандското првество се во зоната за испаѓање, нешто што е незамисливо за еден од најтрофејните клубови во Европа. Атмосферата во тимот е многу лоша, неодамна дојде до тренерска смена, па очекувањата се дека наскоро ќе дојдат и добрите резултати. Според квалитетот и за очекување е Ајакс да почне да се искачува на табелата и да бележи резултати какви што му доликуваат. И во Лига Европа ситуацијата е иста, Ајакс се наоѓа на последното место во групата и на претходните три меча освои само два бода. Ова е клучен натпревар за гигантот од Амстердам и се наоѓа пред императив победа, но ќе биде многу тешко бидејќи Брајтон во претходниот меч покажа дека е далеку подобар тим во моментов.
Брајтон мора подобро во Европа
Брајтон повеќе не е изненадување и сите со респект гледаат на овој тим кој одлучно го води Де Зерби од клупата. И оваа сезона Брајтон продолжи со одличните игри во Премиер лигата, а самото играње во Европа за овој клуб е нешто посебно. Меѓутоа, неискуството го плати данокот на Брајтон во Лига Европа, па на првите два меча освои само еден бод, а минатото коло конечно дојде до прва победа и тоа против Ајакс. Целта секако е да се мине групната фаза, но тоа воопшто нема да биде лесно бидејќи групата е израмнета. Поради тоа овој меч може да биде клучен и за Брајтон и се наоѓа пред императив победа. Де Зерби ќе сака да ја искористи лошата ситуација и форма на противникот и сигурно доаѓа по трите бода во Амстердам.
Очекување
Дуел на два тима кои играат отворен фудбал, па очекуваме возбудлив меч со многу голови, кој ќе биде одлучен од мали детали.
Be the first to comment