Денес има голема понуда за обложување, а фокусот секако ќе биде на шпанското Ел Класико помеѓу Барселона и Реал Мадрид.
Ел Класико е еден од најголемите натпревари во Европа, а во него Барселона и Реал Мадрид влегуваат во добра форма и со само еден бод разлика на табелата, па овој меч сигурно може да го преддреди понатамошниот тек на сезоната.
Барселона има проблем со повредени играчи
После четири сушни години Барселона минатата сезона конечно дојде до титулата во Шпанија и тоа на убедлив начин. Каталонците беа лидер од самиот старт, па се до последото коло и заслужено ја освоија титулата. Познати се финансиските проблеми на клубот, па поради тоа титулата имаше уште повеќе на тежина. Оваа сезона Каталонците исто така играат добро, но акцент ќе стават и на Лигата на шампиони, каде две години со ред испаѓаа во групната фаза. Ова Ел Класико го дочекуваат во добра форма, иако Чави има проблеми со повредени фудбалери и најверојатно нема да може да смета на првата ѕвезда, Роберт Левандовски, кој е повреден. Барса моментално е на третото место на табелата со 4 бода помалку од лидерот Џирона, која има и натпревар помалку. Со победа на овој меч Каталонците ќе го минат Реал Мадрид на табелата и ќе ја зголемат самодовербата за понатамошниот дел од сезоната. Покрај Левандовски, Чави нема да може да смета и на Педри, Кунде и Де Јонг.
Реал доаѓа во Барселона по трите бода
Минатата сезона Реал мораше да се задоволи само со трофеј во Купот, па примарна цел оваа сезона сигурно ќе биде враќање на титулата на Сантиаго Бернабеу. Ова лето имаше неколку промени во тимот, замина Бензема за кого не беше доведена адекватна замена, па Анчелоти мораше да ја менува формацијата. Меѓутоа, пристигне Белингам кој веднаш ја покажа својата класа и игра одличувачка ролја во тимот. Генерално „кралевите“ можат да бидат задовлни од досегашните резултати и моментално имаат еден бод повеќе од Барселона. Минатото коло Реал одигра реми на гостувањето кај Севиља, па овој меч за нив доаѓа во незгоден момент, а во последно време не им оди против Барселона. Имено Реал на последните четири меча против Каталонците победи само еднаш и претрпе три порази. Анчелоти сигурно ќе сака тоа да го промени и да ги освои трите бода, а добра вест е што нема проблем со повредени играчи.
Очекување
Ел Класико е секогаш непредвидливо и го одлучуваат мали детали, но по традиција е возбудливо и со многи голови, па очекуваме така да биде и овој пат.
Be the first to comment