Денес продолжуваат натпреварите од 3-то коло во Лигата на шампионите, а ние за вас ќе го анализираме дуелот помеѓу Севиља и Арсенал.
Возбудлив дуел од Групата Б каде Арсенал после поразот од Ленс нема право на кикс, а Севиља е тим кој секогаш игра добро против фаворитите.
Севиља игра добро против фаворитите
Севиља има голем пад на формата во последно време и на последните четири меча запиша еден пораз и три ремија. Што се однесува до Лигата на шампиони во првите две кола тимот од Андалузија два пати одигра реми, па се уште има големи шанси за пласман во следната фаза. Дојде до тренерска смена, поради лошите резултати беше избркан Мендилибар, а на негово место дојде Диего Алонсо. Севиља пред три дена играше против Реал Мадрид и одигра одлично, па може да се каже дека овој тим знае да изненади против фаворити. Овој натпревар ќе биде од клучно значење, како за пласманот во групата, така за самодовербата во тимот. Во Севиља знаат дека победа против Арсенал може да биде пресвртница во сезоната, па сигурно ќе дадат се од себе за позитивен резултат, а домашниот терен сигурно ќе биде предност.
Арсенал нема право на кикс
И покрај тоа што впечатокот е дека Арсенал е фокусиран на Премиер лигата, сепак и Лигата на шампиони е многу важна за „топџиите“. Во секој случај се очекува без проблем да ја минат групната фаза, а во ваква конкуренција се секако фаворити во групата. Меѓутоа, минатото коло тимот на Артета доживеа изненадувачки пораз од Ленс, што само го потврдува фактот дека во ЛШ нема лесни натпревари. Сега Арсенал го чека друго тешко гостувања, жешкиот терен во Андалузија е проблем за сите тимови, но „топџиите“ не смеат да си дзволат уште еден кикс. Овој меч сигурно нема да биде одлучувачки бидејќи пласманот ќе се решава во последните две кола, но Арсенал секако дека ќе даде се од себе да ги освои трите бода. Што се однесува до тимот, Артета нема проблем со повредени играчи и единствено нема да може да смета на Тимбер.
Очекување
Очекуваме неизвесен дуел помеѓу два тима кои играат офанзивен фудбал, за гол повеќе од противникот, па тоа е предуслов за возбудлив меч со многу голови.
Be the first to comment