Денес на програмата имаме осум натпревари од второто коло на најквалитетното европско клупско натпреварување, а дерби натпреварот се игра во Неапол каде што Наполи ќе го дочека тимот на Реал Мадрид.
Наполитанците полека но сигурно ја подобруваат формата
Минатата сезона после 33 години конечно стигнаа до Скудето што беше повод за неописливо славење на улиците во Неапол. Реално малку беа тие што очекуваа дека Наполи може да се избори со Интер, Милан и Јувентус, меѓутоа квалитетните игри го доведоа овој тим заслужено на тронот. Што се однесува до оваа сезона, тешко дека Наполи ќе го повтори успехот од минатата сезона. Во моментов се наоѓаат на третото место со вкупно 14 бода и учинок од 4 победи, 2 реми и 1 пораз, а во ЛШ изиграа еден натпревар против Брага каде што победија без поголеми проблеми.
Целта за Кралевите се сите трофеи
Исто како и Наполи, така и Реал Мадрид имаше фантастична сезона во минатата година, но за жал не успеаа да стигнат до титулата бидејќи завршија на второто место, а го освоија само Купот каде што во големото финале го совладаа тимот на Осасуна. Реал Мадрид во ЛШ беше елиминиран од Манчестер Сити, тимот кој подоцна стигна до титула во најелитното фудбалско натпреварување. Во новата сезона играат одлично како во домашното првенство така и во ЛШ. Во Ла Лига се наоѓаат на првото место со само еден бод предност во однос на Барселона, а во Лигата на шампиони триумфираа во првото коло против тимот на Унион Берлин и тоа во доцните минути од натпреварот.
Очекување
Овие два тима дефинитивно се квалитетни и преамбициозни, па веруваме дека ќе гледаме натпревар полн со притисок.
Be the first to comment