Денес вниманието ќе ни биде насочено кон натпреварите од првото коло на конференциската лига и Лига Европа. За вас овој пат го издвоивме натпреварот помеѓу Леверкузен и Хакен кој е закажан за во 18:45 часот.
Чаби Алонсо со големи амбиции!
На прв поглед делува чудно, но Леверкузен досега никогаш не бил шампион во Бундеслигата. Најголемиот успех го направија пред 30-тина години кога во 1988 година го освоија Купот на УЕФА. Во минатата сезона, избраниците на Чаби Алонсо завршија на шестото место на табелата, па на тој начин изборија пласман во Лига Европа. Оваа сезона, впечатокот е дека Леверкузен е најсериозен кандидат заедно со Баерн за титулата во Германија, но големо е прашањето колку ќе успеат во тоа. Во моментов се на делба на првото место заедно со Баварците, а имаат ист учинок. Во минатото коло се сретнаа токму со нив и изиграа реми со резултат 2-2.
Хакен нема што да изгуби
Титулата во шведското првенство на овој тим им донесе излез во Европа што секако за нив е огромен успех. Делува дека жребот не беше толку лош, па ги смести во група со Молде, Леверкузен и Карабах. Во новото првенство, тие се наоѓаат на третото место со само два бода помалку во однос на првопласираниот тим на Малме, но и бод помалку од второпласираниот Елфсборг. Во минатото коло изиграа феноменално на домашен терен против Халмштад, а победата ја остварија во судиското продолжение. Пред тоа остварија два врзани порази од Гетеборг и Дегерфорс што е главна причина за да не бидат на лидерското место.
Очекување
Очекувањата за овој натпревар дефинитивно ни се без дилема. Тимот на Лeверкузен е огромен фаворит, па oчекуваме да доминираат на овој натпревар.
Be the first to comment