Во рамките на Ла Лига во терминот од 18:30 часот ќе се сретнат екипите на Севиља и Лас Палмас, а овој натпревар решивме накратко да ви го анализираме и да ви го претставиме во форма на тип на денот.
Реприза на минатата сезона?
Во минатата сезона бевме сведоци на многу катастрофални изданија на тимот на Севиља. Имено, тие играа доста лошо во Ла Лига и на крајот имаа само 9 бода повеќе во однос на екипите кои се преселија во Сегунда. Сепак, тие минатата година успеаа да ја оправдаат бидејќи остварија огромен успех во Европа. Стигнаа до финалето од Лига Европа и после пеналите го победија тимот на Рома, па поради тоа се најдоа и во групната фаза на Лигата на шампиони. Што се однесува до оваа сезона ја започнаа катастрофално, а најдобар доказ за тоа ни се натпреварите од првите три кола каде што запишаа исто толку и порази.
Целта е да се задржат повеќе од една сезона во елитата
Лас Палмас оваа година се пресели во елитата. Лани тие беа дел од Сегунда и официјално завршија на втората позиција, поточно со 72 освоени бода изборија директен пласман во Ла Лига. Откако е започната сезона изиграа четири натпревари, а искрено не запишаа некои импресивни резултати. Во тој временски период два пати беа поразени, а два пати зедоа по еден бод од кој еден беше на натпреварот против Сосиедад што и не е така лош учинок. Целта на овој тим е да успеат да обезбедат навремен опстанок и да се задржат повеќе од една сезона во шпанската елита.
Очекување
Време е Севиља да започне да „игра фудбал“. Ако продолжат со ова темпо ќе се најдат во големи проблеми, а сметаме дека Лас Палмас е одлична шанса за да се запише првата победа за овој тим.
Be the first to comment