Започнуваат натпреварите од второто квалификациско коло за конференциската лига, а за вас овој пат го анализиравме дуелот помеѓу Џургарден и Луцерн.
Поразот од Елфсброг ја поремети атмосферата во тимот
Минатата сезона Џургарден мораше да се задоволи со позицијата број два. Тие во еден период беа и рамноправни за борбата за титула со Хакен, но на крајот сепак не успеаа. Треба да потсетиме дека се работи за еден од најтрофејните клубови во Шведска кои досега 12 пати беа прваци на својата земја, а Џургарден освои и пет трофеи во купот. За оние кои не знаат второто место во шведскиот Алсвенскан значи и пласман во квалификациите за конференциската лига. Во последниот натпревар, Џургарден беа поразени од на домашен терен од првопласираниот Елфсборг со резултат од 0-4, а тоа веруваме дека ќе им влијае на расположението во моментов. Генерално, на последните пет натпревари, овој тим оствари три победи, едно реми и еден пораз кој го спомнавме погоре.
Одлични партии во контролниот период
Луцерн е клуб кој е основан во 1901 година, а досега само еднаш го освоија швајцарскиот шампионат и тоа во сезоната 1988/89 година. Два пати завршуваа како второпласирани, а три пати го освоија купот на оваа земја. Последен пат тоа беше во 2021 година кога во големото финале против Ст. Гален беа подобри и победија со резултат 3-1. Минатата сезона беше релативно успешна за овој тим бидејќи завршија на четвртото место на табелата пред Базел. За време на паузата изиграа неколку контролни натпревари, поточно четири и на сите запишаа победа, па комплетно спремни влегоа во новата сезона. Во првото коло од домашното првенство гостуваа кај Винтерхур и ремизираа на натпревар без голови.
Очекување
Фудбалерите на Џургарден многу тешко го поднесоа поразот во последното коло од Елфсборг, меѓутоа општиот впечаток е дека овој тима игра фантастично на домашен терен и има многу повеќе искуство во европските натпреварувања за разлика од Луцерн.
Be the first to comment