Денес на програмата е комплетното 22-ро коло од ирското првенство, а ние за вас ќе го анализираме дуелот помеѓу Шелбурн и Дери Сити.
Дери Сити се наоѓа на второто место и се уште е во трка за шампионската титула, додека Шелбурн е на средината на табелата и за нив овој дуел нема големо резултатско значење.
Шелбурн има лоша традиција против Дери Сити
Шелбурн е еден од најтрофените тимови во Ирска и до сега овој клуб 13 пати ја има освоено шампионската титула. Сепак, години наназад овој тимне бележи врвни резултати, а минатата сезона заврши на седмото место на табелата. Примарна цел за оваа сезона пред се беше да се избори опастанок во елитата, а со оглед на фактот дека тимот се наоѓа на средина на табелата навивачите можат да бидат задоволни. На последните пет меча Шелбурн запиша само една победа, но и само еден пораз со три ремија. Сега на гости му доаѓа големиот ривал и сигурно дека ќе сака да оствари позитивен резултат,но традицијата не е на нивна страна. Шелбурн покрај што е помалку квалитетен тим, против Дери по традиција игра лошо. Меѓутоа, Шелбурн важи за домашна екипа која игра многудобро пред својата публика и оваа сезона запишува добри резултати на својот стадион.
Дери Сити го губи чекорот со лидерот
Во последните години Дери Сити игра на многу високо ниво, но за жал тоа не беше доволно за шампионската титула. Минатата сезона заврши на второто место на табелата, но со цели 13 бода помалку од шампионот Шамрок. Оваа сезона исто така е на второто место, а минатото коло доживеа болен пораз токму од лидерот Шамрок и сега заостанува цели седум бода. Тоа беше шанса за Дери да се добложи до само бод до првото место, но полека почнува да го губи чекорот. Пред почетокот на сезоната примарна цел беше да се нападне шампионската титула после цели 26 години, но со поразот од минатото коло од 1:0, шансите за тоа значително се намалија. На последните пет меча Дери запиша само една победа, па се чини дека ова за нив е клучен дуел во сезоната.
Очекување
Традицијата и квалитетот се на страната на гостите, па очекуваме Дери Сити да ги освои трите бода, иако тоа воопшто нема да биде лесно.
Be the first to comment