Денес започнува фајнл-фор во Лигата на нации, а во првото полуфинале силите ќе го одмерат Холандија и Хрватска.
Холандија сака да го освои трофејот и да го искористи домашниот терен, па е благ фаворит, но Хрватска е трета репрезентација во светот и сака да го докаже тоа.
Холандија сака да го искористи домашниот терен
Оваа година финалниот плејоф во Лигата на нации се игра во Холандија, па „лалињата“ сакаат да го искористат тоа и пред домашната публика да дојдат до трофејот. Холандија во последното коло од групната фаза ја победи Белгија и обезбеди пласман во плејофот, па во ова натпреварување конечно гледа шанса да дојде до трофеј. Оваа репрезентација е млада, па сигурно многу ќе им значи освојувањето на трофејот. На Мундијалот „лалињата“ одиграа одлично и беа елиминирани од шампионот Аргентина, па покажаа дека имаат генерација која може да напредува многу во наредните години. Предводени од капитенот Ван Дајк и секако Коди Гакпо сигурно ќе сакаат да се пласираат во финалето и да се борат за трофејот. Во европските квалификации доживеаа тежок пораз од Франција во март, па сега ќе сакаат да покажат дека тоа било само лоша ноќ.
Хрватска е најопасна кога е најпотребно
Хрватска одигра одлично во Лигата на нации и се пласираше во плејофот, а потоа на Мундујалот уште едаш покажа дека оваа репрезентација е една од најдобрите во светот и го освои третото место. Хрватска веќе неколку години во континуитет е на самиот врв, па сигурно ќе сака да го освои трофејот во Лигата на нации. Лука Модриќ се уште е предводник на „коцкестите“ и најави дека ќе игра во плејофот, а Гвардиол се покажа како нова ѕвезда во одбраната, заедно со голманот Ливаковиќ. Избраниците на Далиќ со голема самодоверба влегуваат во овој меч и сигурно ќе сакаат да се пласираат во финалето, иако играат на гостински терен.
Очекување
Дуел на две исклучително силни репрезентации кои играат отворен фудбал, па очекуваме голови на двете страни. Холандија е во мала предност поради домашниот терен.
Be the first to comment