Денес се играат многу интересни натпревари, но секако во фокусот ќе биде бараж дуелот за опстанок во Серија А помеѓу Специја и Верона.
Двата тима завршија со ист број бодови, па според новите правила во Серија А ќе играат бараж дуел за опстанок, кој се игра на неутрален терен во Реџо Емилија.
Специја испушти неколку шанси за опстанок
Главна цел на Специја како и претходната сезона беше да избори опстанок во Серија А и тимот од Лигурија одлично ја отвори сезоната. Специја пружаше одлични партии и се очекуваше сигурно да избори опстанок, но во последната третина од сезоната дојде до пад на формата и лоши резултати. Специја цела сезона беше пред Верона, но на крајот заврши со ист број бодови, па ќе мора да игра бараж за опстанок. Според квалитетот овој тим е благ фаворит, но Верона има поголемо искуство.
Верона доби „бонус“ за да игра бараж
Верона катастрофално ја отвори сезоната и после првите неколку кола беше на последното место на табелата, па дојде до тренерска смена. Иако на половина од сезоната изгледаше дека Верона тешко ќе може да се избори за опстанок, сепак следуваше период на добри резултати и дојде во ситуација да има реални шанси за опстанок. На две кола пред крајот имаше „меч топка“ против Емполи, но прими гол во 95-та минута и загуби два драгоцени бода. Во последното коло беше јасно дека нема големи шанси на Сан Сиро, но доро за нив беше што Специја загуби од Рома. Доколку не постоеше новото правило за бараж Верона веќе ќе беше во втора лига, бидејќи има полош меѓусебен скор од Специја. Ова е „бонус“ за нив, па сигурно ќе дадат се од себе, бидејќи знаат дека ова е меч кој вреди цела сезона.
Очекување
Во бараж дуел се очекува двата тима да играат претпазливо и да не ризикуваат многу. Па очекуваме натпревар со малку голови кој ќе го одлучат детали.
Be the first to comment