Денес нема богата понуда за обложување, а во фокусот секако ќе биде дуелот од Премиер лигата помеѓу Манчестер Јунајтед и Челзи.
Овој дуел требаше да биде едно од најголемите дербија на Островот, но оваа сезона двата тима се далеку на табелата. Манчестер Јунајтед е на чекор да заврши во Топ 4, од друга страна Челзи игра сезоната за заборав и се наоѓа на 12-то место.
Манчестер Јунајтед на чекор да ја оствари целта
За разлика од минатата сезона Манчестер Јунајтед има значителен напредок оваа сезона. Освои трофеј после неколку години, а се пласираше и во финалето од ФА Купот. Во Премиер лигата моментално е на 4-то место и е многу блиску до остварување на целта, односно обезбедување на пласман во Лигата на шампиони. Ова е клучен дуел за „црвените ѓаволи“, па доколку успеат да обезбедат позитивен резултат ќе бидат чекор поблиску до целта. Притоа, со оглед на фактот што ова е заостанат натпревар, Јунајтед со победа ќе се искачи на второто место на табелата. Од друга страна „црвените ѓаволи“ немаат право на кикс, бидејќи Ливерпул е на само три бода заостаток. Тен Хаг има големи проблеми со повреди, особено во одбраната, но тимот игра во добра форма и на последните два меча запиша две победи. Што се однесува до тимот, Тен Хаг нема да може да смета на Сабицер, Мартинез и Ван де Бек.
Челзи игра сезона за заборав
Ниту најголемите песимисти не можеа да предвидат вака лоша сезона на Челзи. Во Премиер лигата се на средината на табелата и одамна отпаднаа од трката за Топ 4. За ситуацијата да биде уште полоша, Челзи потроши огромна сума на нови засилувања, само во јануари пристигнаа играчи за 350 милиони евра, но до сега не донесоа позитивни промени. Лампард како трет тренер сезонава не донесе никакво подобрување, испадна од Лигата на шампиони, а во првенството тоне се повеќе. Моментално се наоѓа на 12-то место на табелата и на последните пет меча има дури три порази и само една победа. „Сините“ сакаат што побрзо да заврши оваа сезона и сигурно брзо ќе ја заборават, па веќе се спремаат за следната сезона. За нив овој меч нема никакво резултатско значење, но гостување на „Олд Трафорд“ секогаш е посебен мотив.
Очекување
Според формата и домашниот терен Манчестер Јунајтед е голем фаворит на овој меч и веруваме дека ќе ги освои трите бода.
Be the first to comment