Денес на програмата се полуфиналните натпревари од Лига Европа, а ние за вас ќе го анализираме дуелот помеѓу Севиља и Јувентус.
После ремито во Торино сега се започнува од „нула“, иако Севиља е тимот кој треба да жали што не тргнува со предност, со оглед на фактот дека прими гол во последните моменти од мечот за израмнување на 1:1.
Севиља „царува“ во Лига Европа
Севиља има сезона за заборав во шпанското првенство, каде до неодамна беше загрозена од испаѓање, но со добрите резултати во последно време успеа да се искачи на табелата. Меѓутоа, Севиља и оваа сезона игра одлично во Лига Европа и уште еднаш потврди дека овој клуб е специјалист за ова натпреварување. Во четвртфиналето супериорно го елимира Манчестер Јунајтед и покажа дека знае како да се игра против фаворитите. Во првиот меч во Торино беше дефинитивно подобар противник, имаше водство до 97-та минита и може да жали што не оствари предност пред реваншот. Меѓутоа, сега ја има предноста на домашен терен и сигурно ќе сака да наметне своја игра за брзо да дојде до водство и да стигне до уште едно финале во Лига Европа.
Јувентус се спаси во Торино
Јувентус во првиот дуел беше целосно надигран од Севиља, но на крајот успеа да се спаси и да се избори за реми во последните моменти од мечот. Тоа е карактеристика на „старата дама“ оваа сезона и сега е во одлична позиција пред реваншот. Со оглед дека во Серија А чекаат потврда на казата и не се сигурни дали ќе завршат во Топ 4, ова е шанса за Јувентус да стигне до Лигата на шампиони. Секако, италијаскиот гигант ќе даде се од себе конечно после долги години да дојде до европски трофеј, бидејќи ги загуби последните две финалиња во Лигата на шампиони. Алегри и дружината знаат дека нема да биде лесно во Андалузија, но Јувентус е искусен тим и тактички одлично поткован. „Бјанконерите“ се свесни дека можат да ја остварат целта и после продолженија или пенали, па ќе играат претпазливо.
Очекување
Очекуваме неизвесен меч до последен момент. Севиља водена од публиката се очекува да го диктира темпото и да напаѓа, а Јувентус ќе се заканува преку контранапади и ќе се брани организирано.
Be the first to comment