Денес на програмата се полуфиналните натпревари од Лига Европа, а ние за вас ќе го анализираме дуелот помеѓу Јувентус и Севиља.
Двата тима лесно дојдоа до полуфиналето, па ќе дадат се од себе да играат финале и да дојдат до трофејот. Севиља после елиминацијата на Манчестер Јунајтед сигурно ќе сака да го земе „скалпот“ на уште еден европски гигант.
Јувентус за спас на сезоната
Јувентус има многу „чудна“ сезона. Прво започна лошо и испадна од трката за врвот, како и од групната фаза во Лигата на шампиони. Потоа следуваше казна од 15 бода, па „старата дама“ падна на 10-то место на табелата. Тоа значеше дека тимот нема мотив и беше далеку од пласман во Топ 4, па „билет“ за ЛШ бара токму преку Лига Европа. Поради тоа Јувентус не крие дека има големи амбиции во ова натпреварување и ќе сака да го освои, па така да обезбеди пласман во Лигата на шампиони. Потоа следуваше враќање на бодовите и „бјанконерите“ се искачија на 2-то место, но тоа е привремено и се чека конечната одлука. Поради тоа ова за нив е натпревар на сезоната и сигурно Лига Евопа е карта за спас на сезоната. Алегри потврди дека сака да освои европски трофеј со Јувентус, а веќе два пати играше финале во ЛШ. „Старата дама“ ќе се обиде да го искористи домашниот терен и со предност да патува во Андалузија. Што се однесува до тимот, Алегри за овој меч нема да може да смета на Бремер и Де Шиљо.
Севиља знае како се освојува Лига Европа
Севиља има сезона за заборав во шпанското првенство, каде до неодамна беше загрозена од испаѓање, но со добрите резултати во последно време успеа да се искачи до 11-то место. Меѓутоа, Севиља и оваа сезона игра одлично во Лига Европа и уште еднаш потврди дека овој клуб е специјалист за ова натпреварување. Немаа среќа во ждребот и го добија Манчестер Јунајтед во четвртфиналето, но успеаа да го победат фаворитот. Севиља има искусен тим кој знае како се играат вакви двомечи, а после победата над Манчестер Јунајтед тимот сигурно ќе биде со голема самодоверба. Тимот од Андалузија сигурно патува во Торино со позитивен резултат, а добра вест за нив е што реваншот го играат пред своја публика и ќе се борат за ново финале до последниот свиреж.
Очекување
Очекуваме неизвесен двомеч до последен момент, а двете екипи ќе играат претпазливо бидејќи знаат дека моше да стигнат до финалето и после продолженија. Сепак, поради домашниот терен мала предност му даваме на Јувентус во овој меч.
Be the first to comment