Денес во фокусот секако ќе биде полуфиналниот натпревар во Лигата на шампиони помеѓу градските ривали Милан и Интер.
На почетокот на сезоната малкумина веруваа дека миланските тимови можат да стигнат толку далеку во Лигата на шампиони. Меѓутоа, Милан и Интер засужено се во полуфинале и сонот за финале за еден од нив ќе биде реалност.
Милан игра најдобро кога е најпотребно
Милан минатата сезона ја освои шампионската титула во Серија А, па целта за оваа сезона беше да направи исчекор во Лигата на шампиони. Сепак, малкумина веруваа дека „росонерите“ можат да се борат за финале. Тие беа аутсајдер и против Тотенхем и против Наполи, но сепак покажаа дека имаат квалитет и заслужено се до полуфиналето. Милан во својата ДНК ја има Лигата на шампиони, па секогаш игра најдобро кога е најпотребно. Ова е четврт натпревар против градскиот ривал оваа сезона, „росонерите“ добија само еден, па поради тоа и не влегуваат како фаворити за овој меч. Во првенството Милан се бори за пласман во Топ 4 и оваа сезона главно има проблеми против малите тимови, а во дерби натпреварите игра одлично. Лоша вест за Пиоли е секако повредата на Леао, неговиот настап е неизвесен, но многу поголеми се шансите да го пропушти овој меч. Иако е домаќин не се очекува од Милан безглаво да тргне кон победа, па очекуваме тактичко одмерување и голема битка, пред се на средината на теренот.
Интер во одлична форма
Интер беше во најтешката група заедно со Баерн Минхен и Барселона, па кога успеа да се пласира во нокаут фазата тоа му даде голема самодоверба на тимот. За волја на вистината ждребот ги посака „нероаѕурите“ и во четвртфиналето и полуфиналето имаа противник по мерка, Порто односно Бенфика. Тимот на Инзаги се мачеше против португалските тимови, но тогаш Интер имаше проблеми во играта и резултатите. Сега ја кренаја формата кога беше најпотребно и тимот влезе во серија на одлични резултати. Во Серија А моментално се наоѓа на 4-то место, што е и главна цел, а успеа да се пласира и во финалето од Купот. Интер на последните два меча супериорно славеше над градскиот ривал, па со голема самодоверба влегува во овој меч и сигурно ќе сака да оствари позитивен резултат пред реваншот. Според букмејкерите Интер е фаворит, но ќе терба да ја оправда таквата улога.
Очекување
Миланското дерби е секогаш тешко за предвидување, особено сега кога влогот е огромен, бидејќи овие тимови не доаѓаат често во ситуација да се борат за финале. Поради тоа очекуваме два израмнети меча со многу тактика и крајниот победник да го одлучат мали детали.
Можни состави:
Милан: Мењан, Калабрија, Кјаер, Томори, Тео Хернандес, Круниќ, Тонали, Бенасер, Месијас, Брахим Дијаз, Жиру.
Интер: Онана, Дамфрис, Дармијан, Ачерби, Бастони, Де Марко, Брозовиќ, Чалханоглу, Барела, Лаутаро Мартинез, Џеко.
Be the first to comment