Денес има голема понуда за обложување, но во фокусот секако ќе биде големото дерби во Премиер лигата помеѓу Њукасл и Арсенал.
Њукасл е многу блиску до остварување на целта и пласман во Топ 4, додека Арсенал не се откажува од шампионската трка, па двата тима немаат право на кикс.
Њукасл блиску до остварување на целта
Њукасл оваа сезона е на чекор да се пласира во Топ 4, што е главна цел за клубот кој доведе големи засилувања. Очигледно дека раководството работи добро и погоди со засилувањата во последните неколку преодни рока, па доколку успее да се пласира во Лигата на шампиони, сигурно ќе пристигнат многу поголеми засилувања. Њукасл влезе во серија на добри резултати и се искачи на третото место на табелата, па сега се е во негови раце. Се чини дека лошиот период е зад „чавките“ кои влегоа во серија од три победи и ја подобрија формата кога најмногу требаше. Сепак, конкуренцијата е голема и Њукасл има потреба од бодови, па не смее да си дозволи киксови на пет кола до крајот. Домашниот терен е голема предност, па императивот секако е победа, иако и реми им одговара.
Клучен натпревар за Арсенал
Арсенал влезе во серија на лоши резултати и ја испушти лидерската позиција на табелата, но сигурно нема да се откаже од титулата. Беше прегазен на гостувањето кај Сити, но Арсенал минатото коло го победи Челзи и покажа дека ќе се бори до самиот крај. Арсенал игра сезона каква ниту најголемите оптимисти не можеа да замислат. Најпрво се мислеше дека тоа е само одличен старт на сезоната и дека „топџиите“ ќе паднат после Мундијалот, но тимот на Артета покажа одличен континуитет. После елиминацијата во Лига Европа се насочија само кон Премиер лигата и беа во одлична форма, но на последните неколку натпревари дозволија голем пад на формата. „Топџиите“ одиграа три ремија пред дербито со Сити и дозволија „граѓаните“ да ја надохнадат разликата. Сепак, тимот на Артета нема да се откаже од титулата на пет кола пред крајот и сигурно ќе се бри до последниот судиски свиреж, па поради тоа се наоѓа пред императив победа на овој меч. Меѓутоа, ова е исклучително тешко гостување каде тешко се освојуваат бодови, па ова за „топџиите“ ќе биде клучен натпревар.
Очекување
Ова дерби е тешко за предвидување, но со оглед дека двата тима играат офанзивен фудбал очекуваме натпревар со многу голови.
Be the first to comment