Денес има богата понуда за обложување, а ние за вас ќе го анализираме дуелот од шпанската Примера помеѓу Барселона и Бетис.
Барселона е на чекор до освојување на титулата во Примера, додека Бетис моментално е на 6-то место и се бори за излез во Лига Европа.
Барса и покрај лошите партии во последно време е на чекор од титулата
Барселона во последно време има драстичен пад на формата, но и покрај тоа има голема предност на табелата и е многу блиску до освојување на титулата. Каталонците имаат среќа што и најголемиот конкурент направи многу киксови, но факт е дека тимот на Чави во последно време не игра убедливо и има многу проблеми во тимот. Сепак, Барселона претходно создаде солидна предност, па сигурно ќе ја врати титулата на „Камп Ноу“, бидејќи има 9 бода предност во однос на Реал Мадрид. Минатото коло претрпе пораз од Рајо Валекано, па сега е одличен момент повторно да се врати на победите пред своите навивачи. Барселона игра одлично на домашен терен и оваа сезона на 15 меча запиша 12 победи и 3 ремија без ниту еден пораз. Сега на гости им доаѓа тим кој е во пад на формата, па Барса е голем фаворит за трите бода. Што се однесува до тимот, за овој меч Чави нема да може да смета на Сержи Роберто.
Бетис се бори за излез во Европа
Бетис одлично ја отвори сезоната и во еден момент беше најголемо изненадување во Примера. Овој тим долго беше во Топ 4, па дури имаше и големи шанси да избори пласман во Лигата на шампиони. Меѓутоа, потоа дојде до голем пад на формата, а и моментално не игра добро и има само една победа на последните пет меча, па падна на 6-то место на табелата. Меѓутоа, избраниците на Пелегрини имаат голема шанса да изборат пласман во Лига Европа и сигурно дека до крај ќе се борат за тоа. Бетис сигурно нема лесно да се предаде бидејќи во последните години секогаш има добри партии на „Камп Ноу“ и ќе се обиде да освои барем еден бод. Бетис оваа сезона покажа и одлични партии во Лига Европа, каде беше првопласиран во групата, но потоа беше елиминиран од Манчестер Јунајтед. Што се однесува до тимот, Пелегрини за овој меч нема да може да смета само на Фекир.
Очекување
Барселона е голем фаворит на овој меч и очекуваме дека ќе ги освои трите бода, иако тоа нема да биде лесно. Меѓутоа, овие два тима по традиција играат натпревари со многу голови, па веруваме дека така ќе биде и овој пат.
Be the first to comment