Денес ширум Европа се играат многу интересни натпревари, но сепак најголемо внимание привлекува дуелот од Бундеслигата помеѓу Бохум и Борусија Дортмунд.
Бохум се бори за опстанок и се наоѓа веднаш над зоната за испаѓање, додека Борусија Дортмунд е лидер и се бори за титулата, па бодовите им се прекупотребни на двата тима.
Може ли Бохум да избори опстанок?
Примарна цел на Бохум оваа сезона секако беше изборување на опстанок, и тимот добро ја почна сезоната, но во последно време игра лошо. Бохум во клучниот дел од сезоната доживеа пад на формата, па на последните четири кола освои само два бода. Поради тоа падна на 15-то место и има само два бода повеќе од тимот кој ќе игра бараж за опстанок. Сега неговата позиција е силно загрозена и го чека грчевита борба за опстанок, а после ова коло може да се најде во зоната за испаѓање. На гости му доаѓа лидерот на табелата, кој е во одлична форма и тешко дека ќе успее да дојде до бодови на овој меч. Овие два тима играа во Купот пред два месеци и Бохум беше поразен на домашен терен, а и по традиција игра лошо против „милионерите“. Ќе се обиде да се брани и да се закнува преку контранапади, а реми би бил одличен резултат за тимот. Што се однесува до тимот, тренерот нема да може да смета на Форстер и Јохансон поради повреди.
Дортмунд има неочекувана шанса за титула
Иако Борусија Дортмунд на стартот на сезоната тргна со цел да се бори за титулата, сепак шансите за тоа беа мали со оглед на супериорноста на Баерн Минхен. Меѓутоа, „милионерите“ ги искористија слабите резултати на Баварците и минатото коло се искачија на првото место на табелата. Меѓутоа, имаат само еден бод предност и немаат право на кикс на неколку кола до крајот на сезоната. Борусија има добар распоред до крајот, па сега и според букмејкерите шансите за титулата се значително високи. Тимот се наоѓа во добра форма и на последните пет меча има еден пораз, едно реми и три победи. Борусија во последно време лесно победува против Бохум, но сега ќе игра под притисок, бидејќи е пред императив победа и нема право на кикс.
Очекување
Квалитетот и формата се на страната на гостите, кои немаат право на кикс и очекуваме дека ќе ги освојат трите бода, иако Бохум нема лесно да се предаде.
Be the first to comment