Денес има богата понуда за обложување бидејќи ширум Европа се играат вонредни кола, а ние за вас ќе го анализираме дуелот од Премиер лигата помеѓу Астон Вила и Фулам.
Дуел на два тима кои играат комплетно различни сезони. Астон Вила почна лошо, но сега игра одлично, додека Фулам започна фантастично, но во последно време има пад на формата.
Астон Вила се бори за излез во Европа
Астон Вила на катастрофален начин ја отвори сезоната и на стартот беше најголемо разочарување во лигата, па следуваше тренерска смена. Со доаѓањето на Емери на клупата работите драстично се променија на подобро. Тимот игра солидно во одбрана, прима малку голови, а сега влезе во серија на победи и се искачи на шестото место на табелата. Сега Астон Вила е во одлична ситуација да се избори за пласман во Европа, а со победа на овој меч ќе го мине Тотенхем на табелата. Тимот е во одлична форма и на последните пет меча запиша четири победи и едно реми, а особено добро игра на домашен терен. Што се однесува до тимот Емери за овој меч нема да може да смета на Камара и Кутињо, а под знак прашалник ќе биде и настапот на Бејли.
Фулам веќе ја исполни целта
Фулам на одличен начин ја започна сезоната и во еден момент беше апсолутен хит во Премиер лигата, па беше дури и во ситуација да се бори за излез во Европа. Никој не го очекуваше тоа од тим чија главна цел е да избори опстанок во лигата, но впечатокот е дека Силва одлично го води тимот. Сепак потоа следуваше драстичен пад на формата, па после суспензијата на Митровиќ тимот запиша неколку порази во низа. Фулам мора да игра без својот најдобар фудбалер, но се чини дека полека се враќа на вистинските патеки и на последните два меча запиша две победи. Меѓутоа, Фулам веќе ја оствари главната цел, избори опстанок и моментално се наоѓа на 9-то место, па игра растеретено и без притисок. Што се однесува до тимот, покрај Митровиќ, тренерот нема да може да смета и на Курзава.
Очекување
Квалитетот и формата се на страната на Астон Вила, а и домашниот терен ќе биде голема предност, па веруваме дека ќе ги освои трите бода.
Be the first to comment