Денес нема голема понуда за обложување, а во фокусот секако ќе биде дербито од Серија А помеѓу Аталанта и Рома.
Дуел на два тима кои се борат за пласман во Топ 4. Аталанта е на 7-то место и ова за нив е последна шанса да фатат приклучок, додека Рома се наоѓа на четвртото место, но сака да го задржи.
Последна шанса за Аталанта
Аталанта одлично играше после мундијалската пауза и врза неколку победи во низа, па беше еден од фаворитите за пласман во Топ 4, но потоа имаше голем пад на формата. Аталанта на последните пет меча запиша само две победи и падна на 7-то место на табелата. Поради тоа тимот на Гасперини нема право на кикс и се наоѓа пред императив победа на овој меч. Сега на гости му доаѓа директен конкурент, па ова е последна шанса за Аталанта да фати приклучок за 4-то место. Разликата помеѓу двата тима е седум бода, па Аталанта со право се надева и нема да се откаже од борбата. Конкуренцијата е огромна, но за Аталанта секако е големо достигнување да се најде во вакво друштво, особено поради фактот што клубот располага со многу помал буџет од конкурентите. Кога станува збор за тимот, тренерот нема да може да смета на Хатебур и Руџери, а под знак прашалник е и настапот на Лукман.
Рома е во одлична форма
Рома пред почетокот на колото беше на 4-то место на табелата, но после победата на Милан сега ќе мора да освои бодови за да го задржи тоа место. Конкурентите кои се зад Рома победија во ова коло, па „волчицата“ ќе биде под притисок. Дибала и компанија се во одлична форма во моментов и имаат серија од три победи во низа во Серија А, притоа се пласираа во полуфиналето од Лига Европа. Примарна цел на тимот е обезбедување на пласман во Лигата на шампиони, па без тоа оваа сезона нема да се смета за успешна. Римскиот клуб може тоа да го обезбеди преку лигата или преку Лига Европа, блиску е до целта, но конкуренцијата е огромна. Ова по традиција е тешко гостување за „волчицата“ и ретко освојува бодови, но сега атмосферата и формата на тимот се на многу високо ниво. Со оглед на ситуацијата на табелата и распоредот, ова може да биде клучен дуел за тимот на Мурињо. Единствен проблем за тренерот е што под знак прашалник за овој меч поради повреда се Смолиг и Вајналдум.
Очекување
Очекуваме тврди и неизвесен дуел со многу калкулации и секако дека двата тима ќе чекаат грешка на противникот и нема да напаѓаат безглаво. Мала предност и даваме на Аталанта поради домашниот терен.
Be the first to comment