Денес има богата понуда за обложување, а во фокусот секако ќе биде дербито во Серија А помеѓу Јувентус и Наполи.
Со вратените бодови Јувентус се искачи на 3-то место на табелата, па сега има реални шанси да заврши во Топ 4, додека Наполи е лидер и е на чекор од Скудетото.
Чудна сезона за Јувентус
Јувентус има многу „чудна“ сезона. Прво започна лошо и испадна од трката за врвот, како и од групната фаза во Лигата на шампиони. Потоа следуваше казна од 15 бода, па „старата дама“ падна на 10-то место на табелата. Тоа значеше дека тимот нема мотив и беше далеку од пласман во Топ 4, па „билет“ за ЛШ бара токму преку Лига Европа. Во тоа натпреварување Јувентус игра одлично и се пласира во полуфиналето, но пред неколку дена судот им ги врати одземените бодови на „бјанконерите“. Тоа го донесе Јувентус на третата позиција на табелата, па сега шансите за пласман во Топ 4 се многу големи и „старата дама“ сигурно ќе се бори до крај. Со победа на овој меч дури ќе се искачи на второто место на табелата, а тоа е мотив повеќе и ветер во грб. Во првиот меч Јувентус беше „прегазен„ во Неапол, па сигурно ќе има желба за одмазда.
Наполи на чекор до титулата
Наполи игра сезона од соништата каква и најголемите оптимисти не можеа да предвидат. Уште сега може да се каже дека Наполи нема ривали во Серија А и дека само прашање на време е кога ќе го освои Скудетото, бидејќи има недостижна предност. И покрај големата предност на табелата, Наполи игра со истиот жар и не попушта ниту милиметар, па сигурно дека и против најголиот ривал ќе сака да запише победа. Тимот на Спалети беше елиминиран во ЛШ од Милан и не успеа да се пласира во полуфиналето, па сигурно се разочарани бидејќи беа фаворити. Меѓутоа, никако нема место за загриженост меѓу фановите, бидејќи Наполи игра историска сезона и е на чекор да го освои Скудетото после 33 години. Се очекува Спалети да го изведе најсилниот тим бидејќи нема проблем со повредени фудбалери.
Очекување
Ова дерби е секогаш непредвидливо, домашниот терен и традицијата се на страната на Јувентус, но квалитетот и формата се на страната на Наполи. Ние очекуваме ефикасен меч како тој во Неапол со многу голови.
Be the first to comment