Денес на програмата се четвртфиналните дуели во Лига Европа, а еден од најинтересните секако ќе се игра во Торино, каде Јувентус го пречекува Спортинг Лисабон.
Јувентус супериорно дојде до четвртфинале и сигурно целта ќе биде да го подигне трофејот во Лига Европа, но Спортинг после елиминацијата на Арсенал има големи амбиции во ова натпреварување.
Јувентус сака да оди до крај
Јувентус има многу „чудна“ сезона. Прво започна лошо и испадна од трката за врвот, како и од групната фаза во Лигата на шампиони. Потоа следуваше казна од 15 бода, па „старата дама“ падна на 10-то место на табелата. Тоа значеше дека тимот нема мотив и беше далеку од пласман во Топ 4, па „билет“ за ЛШ бара токму преку Лига Европа. Поради тоа Јувентус не крие дека има големи амбиции во ова натпреварување и ќе сака да го освои, па така да обезбеди пласман во Лигата на шампиони. И според квалитетот е еден од фаворитите, па сигурно во овој меч ќе сака да ја оправда фаворитската улога. Доби солиден противник во четвртфиналето, бидејќи Спортинг во минатото коло го елимнираше Арсенал. Јувентус е во добра форма и на последните пет меча запиша само еден пораз, а целта е да обезбеди предност пред реваншот во Лисабон. Што се однесува до тимот, Алегри за овој меч нема да може да смета само на Погба.
Спортинг покажа дека може далеку
Спортинг оваа сезона игра многу послабо во споредба со претходните две сезони кога ја освои титулата во Португалија. Тимот од Лисабон одлично се претстави оваа сезона во групната фаза од ЛШ, но немаше среќа. Во последното коло само минути го делеа од пласман во следната фаза, но за жал заврши на третото место и мораше да продолжи во Лига Европа. Во осминафиналето сепак „лавовите“ покажаа дека имаат тим за да стигнат далеку и го елиминираа фаворизираниот Арсенал. Тимот од Лисабон иако имаше негатива во Лондон, сепак се врати и на после пенали ги елиминира „топџиите“. Се наоѓа во исклучителна форма и нема пораз на последните десет меча во сите натпреварувања, па со голема самодоверба ќе допатува во Торино. Целта е да остане непоразен за да може на домашен терен да го решава пласманот во полуфинале. Што се однесува со тимот, тренерот Аморим за овој меч нема да може да смета на Угарте и Паолињо.
Очекување
Јувентус е благ фаворит поради квалитетот, но и домашниот терен. Очекувањата се дека ќе ја оправда фаворитската улога и дека ќе обезбеди предност пред реваншот, иако тоа нема воопшто да биде лесно.
Be the first to comment