Денес почнуваат првите четвртфинални дуели од Лигата на шампиони, а ние за вас ќе го анализираме дуелот помеѓу Бенфика и Интер.
Ова е еден од најизрамнетите дуели во Лигата на шампиони, па двата тима сигурно до последната минута ќе се борат за пласман во полуфиналето и очекуваме неизвесен двомеч.
Бенфика е во одлична форма
Оваа сезона Бенфика игра одлично и е лидер на табелата, многу се засили во летниот преоден рок, а засилувањата веднаш се вклопија во тимот. „Орлите“ моментално имаат седум бода повеќе од Порто на табелата, па се блиску до освојување на титулата. Меѓутоа, треаб да се напомене дека Бенфика игра одлично оваа сезона и во Лигата на шампиони. Заврши како првопласирана во тешка група заедно со ПСЖ и Јувентус, а во осминафиналето го „прегази“ Бриж. Сега во четвртфиналето има противник од свој ранг, па сигурно дека ќе се фокусира на ЛШ, бидејќи гледа шанса за пласман во полуфинале, па и во финале. Во овој дуел вчегува после поразот од Порто, но сигурно „орлите“ ќе сакаат да покажат дека тоа било само лош ден, а голема предност ќе биде домашниот терен, како и лошата форма на противникот. Проблем за тренерот може да биде отсуството на Отаменди поради повреда, а неизвесен е настапот и на Гуедес.
Интер е непрепознатлив во Серија А
Интер во многу лоша атмосфера го дочекува овој дуел бидејќи влезе во серија од лоши резултати и падна на 5-то место на табелата во Серија А. „Нероаѕурите“ долго време се без победа, а минтото коло испуштија важни бодови против Салернитана. Поради тоа разнишаната е позицијата и на тренерот Инзаги, па овој дуел може да биде клучен за неговата иднина на кормилото на „нероаѕурите“. Минатото коло Интер успеа да го елиминира Порто, иако се спасуваше во последните моменти од мечот, а сега доби противник од ист ранг. Поради тоа и Интер гледа истроска шанса за пласман во полуфинале, па сигурно ќе биде максимално фокусиран на ЛШ. Целта на овој дуел ќе биде да остане непоразен во Лисабон, па пред своите гледачи да брка победа за пласман во полуфинале. Проблем за Инзаги сигурно ќе биде отсуството на двајца станндардни првотимци – Скриниар и Чалханлгу не успеаа да се опорават од повредата. „Нероаѕурите“ ќе играат претпазливо и повеќе ќе бидат сконцентрирани на својот, отколку на противничкиот гол.
Очекување
Очекуваме неизвесен дуел, бидејќи двата тима ќе бидат претпазливи со оглед на фактот дека има реванш. Бенфика е во мала предност поради домашниот терен, па ќе се обиде да оствари предност во првиот меч.
Be the first to comment