Денес нема голема фудбалска понуда за обложување, а во фокусот секако ќе биде дуелот од Примера помеѓу Барселона и Џирона.
Барселона е на првото место на табелата и после киксот на Реал со победа на овој меч ќе биде на чекор до титулата. Џирона пак е во сигурната зона, но се уште не обезбедила опастанок.
Барселона на чекор до титулалата
Барселона има цели 12 бода предност пред Реал Мадрид е со победа на овој меч ќе ја допре титулата, иако само прашање на време е кога ќе стана нов шпански шампион. Се чини дека со победата во Ел Класико кое се играше во рамките на Примера се решија сите дилеми и Барселона чекори кон нова титулата. Меѓутоа, Каталонците доживеаа непријатен пораз од Реал во Купот, па ова е идеален момент да покаже дека го надминале тој „удар“ и ќе сакаат да се вратат кон победите. Имаат противник по мерка за тоа, а домашниот терен секако ќе биде голема предност. Иако од самиот старт Барселона покажа дека оваа сезона примара цел ќе биде титулата, сепак малкумина веруваа дека вака супериорно можат да станат шампиони и дека ќе направат толку голема разлика со Реал Мадрид. Сепак, како црна дамка оваа сезона секако останува раната елиминација од Лигата на шампиони.
Џирона блиску до остварување на целта
Примарна цел на Џирона оваа сезона беше да обезбеди опстанок во Примера и е на добар пат да го направи тоа. Моментално се наоѓа на 11-то место на табелата со цели седум бода повеќе од зоната за испаѓање. Џирона е пријатно изненадување оваа сезона бидејќи како нов прволигаш малкумина очекуваа вака добра сезона. Џирона беше еден од најголемите фаворити за испаѓање и се очекуваше повеќе да се мачи за да избори опстанок. Меѓутоа, Џирона игра одлично, особено на домашен терен, а и моментално се наоѓа во добра форма. Сега му гостува на лидерот и тешко дека ќе освои бодови на „Камп Ноу“, но сигурно нема лесно да се предаде и ќе се обиде да остане непоразена. Можеби ќе се обиде да го искористи моментот што Барселона ќе игра растеретено бидејќи е блиску до титулата.
Очекување
Барселона е голем фаворит на овој меч, но Џирона нема лесно да се предаде. Очекуваме отворен натпревар со многу возбудувања и многу голови.
Be the first to comment