Денес има голема фудбалска понуда за обложување, но во центарот на вниманието секако ќе биде големото дерби од Премиер лигата помеѓу Ливерпул и Арсенал.
Арсенал е лидер на табелата и ова можеби е најголемиот тест за „топџиите“ до крајот на сезоната, па со победа ќе бидат поблиску до титулата. Ливерпул пак е на 9-то место и има само теоретски шансу за 4-то место.
Ливерпул има сезона за заборав
Ливерпул исто така игра разочарувачка сезона, рано испадна од трката за титулата, а сега е далеку и од пласман во Топ 4. Тоа сигурно ќе биде голем удар за клубот од „Енфилд“, но јасно е дека на лето следуваат големи промени во тимот. Клоп сака да донесе нови засилувања, млади фудбалери кои ќе го освежат тимот за да започне нов циклус. Елиминацијата во Лига на шампиони беше исто така во рака фаза, бидејќи од Ливерпул се очекуваше да стигне подалеку од осминафиналето. Меѓутоа, и шансите за 4-то место се само теоретски, особено откако во последните три кола „црвените“ освоија само еден бод. Добра вест е што за овој дуел се враќаат во тимот Алкантара и Луис Дијаз, но тешко дека Ливерпул ќе успее да извлече нешто позитивно од оваа сезона. Сепак, „црвените“ на Енфилд никогаш не треба да се отпишат и секогаш се фаворити на домашен терен.
Арсенал со победа ќе ја допре титулата
Арсенал е лидер на табелата и има пет бода предност пред Манчестер Сити и се чини дека ова е најважниот натпревар за „топџиите“. Доколку успеат да победат на ова тешко гостување, тешко дека ќе можат да го испуштат првото место на табелата.Арсенал игра сезона каква ниту најголемите оптимисти не можеа да замислат. Најпрво се мислеше дека тоа е само одличен старт на сезоната и дека „топџиите“ ќе паднат после Мундијалот, но тимот на Артета покажа одличен континуитет. После елиминацијата во Лига Европа се насочија само кон Премиер лигата и се во исклучителна форма, па на последите пет меча запишаа пет победи. Иако има многу млад тим се чини дека „топџиите“ се зрели оваа сезона да ја освојат титулата после многу години. Што се однесува до тимот Артета нема да може да смета на Нкетија и Елнени, а неизвесен е и настапот на Салиба.
Очекување
Дуелите на овие два тима се непредвидливи, Ливерпул ќе ја има предноста на домашен терен, но Арсенал е во исклучителна форма. По традиција кога играат овие два тима головите се загарантирани, па веруваме дека така ќе биде и овој пат.
Be the first to comment