И денес во фокусот ќе бидат натпреварите од квалификациите за Европско првенство, а ние за вас ќе го анализираме дуелот помеѓу Турција и Хрватска.
Турција и Хрватска заедно со Велс ќе се борат за двете места кои водат на Европското првество, па ова може да се смета како директен дуел на двата најголеми фаворити. Поради тоа овој меч е од исклучително значење за двете селекции.
Турција одлично ги отвори квалификациите
Турција одлично ги отвори квалификациите за ЕП со победа во првиот меч на гостински терен против Ерменија. Меѓутоа, за турската селекција ова ќе биде прв вистински тест бидејќи на гости им доаѓа една од најдобрите репрезентации во светот. Домашниот терен секако ќе биде голема предност, а Турција сигурно ќе сака да го покажа својот квалитет против 3-та селекција од претходниот Мундујал. Турција не успеа да се пласира на Светското првенство откако во баражот беа поразени од Португалија, па сигурно не сака да пропушти уште едно големо натпреварување. Имаат одлична генерација на фудбалери предводени од Чалханоглу, Демирал и Ундер, а особено добро играат на домашен терен. Во првиот меч против Ерменија имаа многу проблеми, но успеаа да слават со пресврт и да ги освојат трите бода. Победа на овој меч ќе биде исклучителен успех, иако и со реми би биле задоволни.
Хрватска лошо ги отвори квалификациите
Хрватската репрезентација веќе со години е една од најдобрите селекции во светот и тоа го потврдија и на последниот Мундијал кога завршија на третото место, а пред четири години играа во финалето. Поради тоа со право се прв фаворит во оваа група и едноставно е незамисливо да не се пласираат на Европско првенство. Меѓутоа, „коцкестите“ не ги отворија квалификациите на добар начин и во првиот меч беа шокирани од Велс во Загреб, каде одиграа само 1:1. Поради тоа Хрватска со огромен мотив оди на ова гостување и сигурно дека ќе сака да избегне уште еден лош резултат. Избраниците на Далиќ сигурно ќе одат на победа во Истанбул, иако ова важи за едно од најтешките гостувања, па не би било неуспех и да се вратат со реми. Хрватска нема простор да губи бодови после стартниот неуспех и ќе сака да го поправи впечатокот.
Очекување
Според квалитетот Хрватска е фаворит на овој меч, но домашниот терен ќе биде голема предност за Турција. Поради тоа очекуваме израмнет меч со голови на двете страини.
Be the first to comment