Денес продолжуваат квалификациите за Европското првенсво, а во фокусот секако ќе биде дуелот помеѓу Шпанија и Норвешка, кој привлекува најголемо внимание.
Ова е дуел помеѓу двата најголеми фаворити во групата кои сигурно ќе се борат за првото место во групата. Шпанија важи за прв фаворит, па сигурно ќе сака со победа против најголемиот конкурент да ги започне квалификациите.
Шпанија почнува нов циклус со нов селектор
После неуспехот на Светското првенство, дојде до селекторска смена во шпанската репрезентација. Луис Енрике одлучи да си замине, а за нов селектор беше назначен Луис де ла Фуерте, кој направи голем рез во репрезентацијата. Иако „црвената фурија“ значително подмладена пристигна на Мундијалот во Катар сепак од неа се очекуваше многу повеќе. Шпанија беше елиминирана во осминафиналето од Јапонија, што се смета за голем неуспех. Де ла Фуерте направи голем рез и отпиша некои ѕвезди, а носители на новиот циклус треба да бидат Гави, Педри, Олмо, Феран Торес… Во овие квалификации Шпанија е прв фаворит во групата и пласманот на ЕП не се доведува во прашање, но сигурно ќе сака да го освои првото место во групата, а најголем конкурент ќе биде Норвешка. Поради тоа „црвената фурија“ ќе сака со победа да го отвори новиот циклус пред своите навивачи.
Може ли Норвешка да ја запре Шпанија без Халанд?
Норвешка со големи амбиции влегува во овие квалификации и со право бидејќи има одлична геерација предводена од Халанд и Одегард. Според многумина тоа се двајцата најдобри фудбалери во Премиер лигата во моментов, па сигурно дека Норвешка е фаворит за едно од првите две места во групата. За жал голем проблем за селекторот на „Викинзите“ е што на стартот на квалификациите нема да може да смета на Ерлинг Халанд, кој поради мала повреда ќе ги пропушти натпреварите во овој циклус. Прашање е дали Норвешка ќе може да и парира а Шпанија без Халанд, па сигурно дека најмногу се очекува на Одегард, кој блеска во Арсенал оваа сезона. Викинзите ќе сакаат со позитивен резултат да ги отворат квалификациите и ќе се обидат да останат непоразени.
Очекување
Според квалитетот, но и домашниот терен Шпанија е голем фаворит во овој дуел, па очекуваме да ги освои трите бода, иако тоа нема да биде воопшто лесто бидјеќи Норвешка сигурно ќе пружи силен отпор.
Be the first to comment