Денес понуда за обложување е слаба, а централен натпревар секако ќе биде дербито од Серија А каде Лацио го пречекува шампионот Милан.
Милан полека го губи чекорот со лидерот Наполи, па овој меч може да биде клучен за „росонерите“ и се пред императив победа. Лацио пак се бори за пласман во Топ 4 и гледа шанса после казната на Јувентус.
Лацио сака пласман во Топ 4
Лацио после мундијалската пауза лошо ја продолжи сезоната, но минатото коло конечно дојде до победа. Тимот на Сари моментално се наоѓа на 6-то место, но после казната на Јувентус сега гледа многу поголема шанса за пласман во Топ 4. Моментално заостанува три бода, па со победа ќе се израмни со Рома на 4-то место на табелата. Поради тоа ова е исклучително важен меч и за домаќините. Сигурно со голема мотивација и самодоверба влегуваат во овој меч и целта е да се освојат трите бода, а домашниот терен сигурно ќе биде голема предност. Што се однесува до тимот, хендикеп е што Сари нема да може да смета на првиот стрелец Имбиле, но сите останати фудбалери ќе ги има на располагање.
Милан пред императив победа
Милан после мудијалската пауза игра лошо и полека го губи чекорот со Наполи. Пред ова коло разликата со лидерот беше 9 бода, па „росонерите“ се наоѓаат пред императив победа и се друго комплетно ќе ги исфрли од трката за Скудетото. Покрај двете ремија во Серија А, Милан беше елиминиран од Купот и доживеа голем пораз во Суперкупот, па потребна е реакција на тимот на Пиоли. Додатен проблем за Пиоли може да биде и отсуството на Тео Хернандес, кој се повреди на последниот тренинг и не е повикан за овој меч. Добра вест за „росонерите“ е што Милан во последно време игра одлично со Лацио и е во серија од неколку победи во низа против „бјанкочелестите“.
Очекување
Дуел на два тима кои играат отворен фудбал и сакаат да се надигруваат со противникот, па очекуваме возбудлив меч со многу голови.
Be the first to comment