Денес нема голема понуда за обложување, а еден од најинтересните дуели секако се игра во Серија А помеѓу Интер и Емполи.
Интер после освојувањето на Суперкупот сака да направи серија на добри резултати во Серија А, но Емполи е во добра форма и нема лесно да се предаде.
Интер нема право на кикс
Интер оваа сезона игра топло-ладно и заостанува цели 10 бода зад лидерот Наполи, па тешко дека ќе може да се замеша во битката за Скудетото. Во првиот меч од годината Интер одигра фантастично и го победи Наполи, па се чинеше дека сигирно ќе се бори за титулата, но потоа следуваше кикс против Монца. Меѓутоа, супериорното освојување на Суперкупот и победата над Милан од 3:0 сигурно ќе му даде ветер во грб на „нероаѕурите“ и сега ќе сакаат да направат серија на добри резултати и во Серија А. Инзаги нема проблем со повредени игра, се врати Лукаку, единствено Брозовиќ е неизвесен за овој дуел. Интер нема право на кикс доколку сака да се обиде да го стигне Наполи, па се наоѓа пред императив победа, а домашниот терен секако е голема предност.
Емполи е пријатно изненадување сезонава
Емполи е едно од пријатните изненадувања оваа сезона и моментално се наоѓа на 12-то место, па впечатокот е дека без поголеми проблеми ќе обезбеди опастанок оваа сезона. Тоа е примарна цел на овој тим и во моментов се наоѓа во одлична форма, нема пораз на последните четири меча, две победи и две ремија. Емполи оваа сезона му направи проблеми на многу големи тимови, и тие кои го победија тоа го направија со доста напор и мака. Поради тоа сигурно нема лесно да се предаде на ова гостување и ќе се обиде да остане непоразен. Сепак, треба да се напомене дека Интер традиционално е незгоден противник за Емполи и на последните пет меча исто толку пати беа поразени од „нероаѕурите“.
Очекување
Интер е голем фаворит на овој меч и очекуваме да ги освои трите бода, но исто така очекуваме Емполи да не се предаде лесно и веруваме дека ќе биде ефикасен натпревар.
Be the first to comment