Бундеслигата продолжува после зимската пауза и тоа со големо дерби каде Лајпциг го пречекува актуелниот шампион Баерн Минхен.
Баерн Минхен е на првото место на табелата и пред паузата беше во извонредна форма, а Лајпциг е на третото место на табелата и заостанува 6 бода зад лидерот, па овој меч е многу важен за двата тима.
Баерн чекори кон нова титула
Баерн Минхен и оваа сезона е главен фаворит за титулата и после 15 одиграни кола се наоѓа на првото место на табелата, но со само 4 бода предност второпласираниот Фрајбург. Многумина сметаат дека Баварците немаат достојни ривали во Бундеслигата и дека рутински можат да дојдат до титулата, а се чини дека оваа сезона најсериозен ривал им е токму Лајпциг. Поарди тоа овој меч е од големо значење, а треба да се види како ќе играат Баварците после мундијалската пауза. Баерн беше клуб кој имаше најмногу претставници на Мундијалот и остана без двајца многу важни фудбалери, Мануел Ноер и Лукас Хернандес, кои поради повреда ќе отсуствуваат до крајот на сезоната. За Хернандес пристигна замена и тоа Дејли Блинд од Ајакс, додека за Ноер се уште трае потрагата, па тоа може да биде проблем бидејќи на овој меч ќе брани вториот голман Улрих. Во секој случај Баерн има голем квалитет и е фаворот на ова гостување.
Лајпциг срамежливо ја сонува титулата
Лајпциг иако лошо ја отвори сезоната, сепак потоа влезе во исклучително добра серија и моментално се наоѓа на 3-то место на табелата. Лајпциг е во серија од 10 натпревари без пораз во сите натпреварувања, а во Бундеслигата на последните шест меча имаат пет победи и само едно реми. Во Лигата на шампиони успеаа да се пласираат во осминафиналето, а во Бундеслигата се во добра позиција и всушност се најголем ривал на Баерн оваа сезона. Со победа Лајпциг ќе дојде на само три бода до лидерот и сериозно ќе се замеша за титулата. Целта на овој тим секако е пласман во Топ 4, меѓутоа во клубот срамежливо ја сонуваат титулата, бидејќи имаат фантастична генерација. Треба да се види дали Лајпциг ќе успее да ја продолжи истата форма како пред мундијалската пауза, а хендикеп за овој меч е што поради повреда нема да биде на располагање Нкунку.
Очекување
Очекуваме отворен меч бидејќи двата тима играат офанзивен фудбал, а тоа ќе гарантира возбудлив меч со многу голови, како и што по традиција играат овие два тима.
Be the first to comment