Седумнаесетотот коло во Серија А се затвора со големо дерби каде актуелниот шампион Милан ја пречекува незгодната Рома.
Милан е на втората позиција на табелата и минатото коло ја намали разликата со Наполи, но заостанува цели 5 бода, па нема право на кикс ако сака да ја одбрани титулата. Рома моментално е на 6-то место и за нив овој меч е многу важен.
Милан сака да ја одбрани титулата
„Росонерите“ во првиот дел од сезоната не играа лошо, но пред мундијалската пауза заостануваа цели осум бода зад лидерот Наполи. Сепак, тоа беше повеќе благодарение на одличните игри на Наполи отколку на слабите игри на Милан. Во Лигата на шампиони „росонерите“ ја остварија целта и се пласираа во осминафиналето каде ќе ги одмерат силите со Тотенхем. Сепак, во Милан не кријат дека примарна цел ќе биде одбраната на Скудетото и до крај ќе се борат за тоа. Минатото коло лесно дојдоа до победа на гостувањето кај Салернитана и го искористија киксот на Наполи, па сега разликата е пет бода. Поради тоа Милан ќе има мотив повеќе да ги освои трите бода на овој меч, а секако домашниот терен ќе биде голема предност. Како и во текот на целата сезона Пиоли има голем проблем со повредени играчи, па покрај голманот Мењан, Флоренци и Ибрахимовиќ, неизвесни за овој меч се и Кјаер, Ориги, Ребиќ и Месијас. Покрај тоа Милан секако има квалитетен тим и е фаворит во овој меч.
Рома брка пласман во Лигата на шампиони
Рома во последните три кола пред муднијалската пауза освои само два бода, па падна на шестото место на табелата. Се чини дека паузата дојде во право време за тимот на Мурињо, па новата година ја отворија со победа над Болоња од 1:0. Сепак, мора да се признае дека Рома покажа големи слабости на овој меч и лесно можеше да остане без победа во завршницата од мечот. „Волчицата“ моментално заостанува само три бода од четвртото место на табелата, што е примарна цел за овој тим. Меѓутоа, сега им доаѓа тешко гостување на „Сан Сиро“, каде во последните години Рома нема добри резултати. Актуелниот шампион тешко губи бодови на домашен терен и оваа сезона е одличен во дерби натпреварите. Меѓутоа, Рома сигурно нема лесно да се предаде, па целта е да освои барем еден бод на ова гостување.
Очекување
Квалитетот и домашниот терен се на страната на Милан, па веруваме дека „росонерите“ ќе ги освојат трите бода, иако тоа воопшто нема да биде лесно и очекуваме израмнет меч.
Be the first to comment