Денес на програмата е мечот од заостанатото седмо коло во шкотската најсилна лига помеѓу Селтик и Ливингстон.
Селтик е убедливо на првото место на табелата во шкотското првенство после 16 одиграни кола, додека Ливингстон е на 6-то место и се бори да избори пласман во плеј-офот.
Селтик ита кон нова титула
Селтик минатата сезона дојде до шампионската титула откако заврши со 6 бода предност пред Ренџерс, а оваа сезона игра уште поубедливо. После 16 одиграни кола Селтик има 15 победи и убедливо се наоѓа на првото место на табелата, па само чудо може да се случи да ја изгуби титулата. Меѓутоа, Селтик оваа сезона не се прослави во Лигата на шампиони и заврши на последното место во групата, па нема да игра во Европа оваа пролет. Со оглед дека има дури 10 бода предност пред второпласираниот Ренџерс ќе може рутински да ја заврши сезоната, па овој заостанат меч и нема големо резултатско значење. Селтик на домашен терен има максимален учинок, но ако се очекува кикс тоа е сигурно на овој меч, кој е прв после паузата, а нема големо резултатско значење.
Ливингстон се бори за пласман во плеј-оф
Ливингсон минатата сезона заврши на осмото место на табелата и за малку не успеа да стигне до плеј-офот (првите шест клуба на табелата), па тоа е основна цел оваа сезона. Популарните „лавови“ до сега можат да бидат задоволни од резултатите бидејќи се наоѓаат на 6-то место на табелата и тоа со меч помалку од конкуремнтите. Ливингстон се наоѓа во добра форма и има само еден пораз на последните шест меча, а доколку освои бодови на овој меч може да стигне и до третото место на табелата. Тоа секако ќе биде многу тешко бидејќи му гостува на најсилниот тим во лигата, но сигурно нема да оди со кренато бело знаме. Минатата година Ливингстон остана непоразен на „Селтик парк“, па сигурно ќе сака да го повтори тој успех. Исто така за нив овој меч има поголемо значење и повеќе им се потребни бодовите, па мотивот ќе биде поголем.
Очекување
Дуел на два тима кои имаат одлично напади и играат отворен фудбал, па по традиција играат ефикасно и веруваме дека така ќе биде и овој пат.
Be the first to comment