Денес фудбалската понуда е нешто послаба, а најинтересен се секако дуелот од четвртфиналето на португалскиот Куп помеѓу Спортинг Лисабон и Брага.
Приоритет на Спортинг е Топ 3 во првенството
Минатата сезона Спортиг не успеа да ја одбрани титулата, но заврши на второто место на табелата, што е добар резултат бидејќи води директно во Лигата на шампиони. Меѓутоа, од лисабонските „лавови“ многу повеќе се очекуваше оваа сезона, па се чини дека играњето во Лигата на шампиони го зеде данокот во пррвенството. Спортинг не успеа да се избори за нокаут фаза во ЛШ, а моментално се наоѓа на 4-то место на табелата. Приоритет на овој тим е секако пласман во Топ 3 во првеството и повторно да избори пласман во Лигата на шампиони. Меѓутоа, секако дека нема лесно да се откаже од Купот, откако веќе пристигна во четвртфиналето. Избраниците на Рубен Аморим сигурно ќе сакаат да се пласираат во полуфиналето, иако за противник ја имаат Брага со која водат битка за третото место и во пррвенството. До сега во Купот Спортинг игра одлично, три победи на три меча што му донесе директен пласман во четвртфиналето. Доколку успее да се пласира во полуфинале, сигурно ќе се зголемат амбициите за подигнување на трофејот оваа сезона.
Брага игра одлично оваа сезона
Со години наназад четвртото место на табелата во Португалија е резервирано за Брага, па така беше и минатата сезона. Тоа на овој тим му донесе пласман во Лига Европа, каде немаше многу среќа, па иако освои 10 бода во групата, не успеа да се пласира во следната фаза. Што се однесува до лигата, Брага моментално се наоѓа на третото место, па целта е секако да се задржи тоа место кое води во квалификациите за ЛШ. Во Лига Купот Брага го освои првото место во групата, што и донесе директен пласман во полуфиналето. Брага се наоѓа во добра форма и нема лесно да се откаже од Купот, иако му гостува на гигантот од Лисабон. Со Спортинг ќе водат битка и за третото место на табелата, а впечатокот е дека тоа е приоритет за двата клуба. Треба да се напомене дека Брага со голема самодоверба во овој меч, бидејќи на последното гостување го победи Спортинг со 1:2.
Очекување
Дуел на два тима кои играат отворен фудбал и по традиција нивните натпревари се многу возбудливи и богати со голови, па очекуваме така да биде и овој пат.
Be the first to comment