Натпревар кој се чека цели четири години. Натпревар кој ќе одлучи кој ќе биде на кровот на светот во наредните четири години. Франција се бори за остане таму, додека Аргентина се бори да се искачи после триесетина години.
Франција и Аргентина ќе се борат по трет пат во својата историја да ја освојат „Божицата“. „Триколорите“ сакаат да ја одбранат титулата, додека Аргентина со помош на Меси конечно да го прекине чекањето кое трае од 1986 година.
Меси на чекор до бесмртноста
Сонот за освојување на Светско првенство е жив за Лео Меси и милиони негови фанови кои навиваат Аргентинецот да замине во репрезентативна пензија со најголемиот трофеј кои му недостасува во колекцијата. Остварувањето на сонот ќе му донесе бесмртност во Аргентина и статус на најголем фудбалер во историјата на оваа фудбалска земја. Аргентина го почна Мундијалот со шокантен пораз од Саудуска Арабија, но „гаучосите“ потоа со две победи успеаа да го освојат првото место во групата. Потоа во елиминациите немаа проблем против Австралија, а во четвртфиналето ја елиминираа Холандија после изведување на пенали. Најдобрата партија „гаучосите“ ја одиграа во полуфинале против Хрватска, па се чини дека овој тим ја темпира формата и како поминуваат натпреварите игра се подобро. Тренерот Скалони за овој меч нема да може да смета на Папу Гомез, а остатокот во стартниот тим не би требало да има промени.
Франција нема лесно да го даде тронот
Франција сака да биде третата репрезентација која после Италија и Бразил успеала да ја одбрани титулата светски шампион. Иако пред почетокот и за време на Мундијалот „триколорите“ беа покосени од повреди, сепак покажаа дека имаат голем ростер и дека можат да играат и без многу важни фудбалери. Проблемите со недостапни фудбалери продолжуваат, па во полуфиналето Дешамп не можеше да смета на Рабио и Упамекано поради вирус, а за финалето под знак прашалник се Варан и Конате. Ова е можеби прв натпревар на Мундијалот каде Франција не е фаворит, а тоа може и да биде предност за избраниците на Дешамп. Последниот меч „триколорите“ против Аргентина го играа на Мундијалот пред четири години, каде доминираа и заслужено победија, но знаат дека ова ќе биде целосно поинаков меч.
Меси или Мбапе
Дуелот помеѓу Аргентина и Франција слободно може да се нарече и како дуел помеѓи Лионел Меси и Килијан Мбапе. Двајца лидери на своите репрезентации кои ќе се борат за титулата Најдобар стрелец и Најдобар голгатер (двајцата имаат по 5 гола), а тоа секако ќе зависи најмногу од овој меч. Впечатокот е дека целата репрезентација на Аргентина игра за Меси и за остварвање на неговиот сон, додека Мбапе е подреден на колективот и технички лидер на тимот. Во секој случај ова е последен танц на Аргентинецот, додека Французонот допрва ќе владее со светскиот фудбал.
Веројатни состави
Агентина: Мартинез, Молина, Ромеро, Отаменди, Акуња, Фернандез, Де Паул, Мекалистер, Паредес, Меси, Алварез.
Франција: Лорис, Кунде, Варан, Упамекано, Тео Хернандес, Чуамени, Рабио, Гризман, Дембеле, Мабпе, Жиру.
Очекување
Во финале нема фаворити, а тоа особено важи за овој меч каде се среќаваат многу израмнети репрезентации. Токму таков меч и очекуваме, израмнет кој ќе го одлучат мали детали и генијалност на некој од мајсторите на теренот.
Be the first to comment