Вечерва се спушта завесата на клупскиот фудбал во исчекување на престојниот Мундијал, а Серија А ќе заврши со големо дерби помеѓу Јувентус и Лацио.
Јувентус после одличните резултати во последно време се искачи на табелата и дојде само на два бода од Лацио, кој е на второто место на табелата. Поради тоа овој меч може да биде клучен за понатамошниот тек на сезоната на двата тима.
Јувентус влезе во одлична серија
Јувентус многу лошо ја отвори сезоната, па во еден период серизно се размислуваше за отказ на тренерот Макс Алегри. Во летнит преоден рок пристигнаа неколку големи засилувања, па очекувањата беа дека Јувентус ќе биде еден од фаворитите за Скудетото. Меѓутоа, „бјанконерите“ брзо отпаднаа од трката за титулата и моментално заостануваат 13 бода од лидерот Наполи. Резултатите во Лигата на шампиони беа исто така катастрофални, па „старата дама“ беше елиминирана од групната фаза и тоа на коло пред крајот. Една од причините за лошите резултати се секако големиот број на повреди, како и фактот што до сега Алегри не може да смета на најголемото засилување Пол Погба. Меѓутоа, работите се променија во последно време, па Јувентус влезе во серија од пет победи во низа и тоа без ниту еден примен гол. Токму цврстата одбрана е клуч на успесите на Јуве во последно време, бидејќи реално играта и не е многу поправена во споредба на почетокот на сезоната. Со победа на овој меч „бјанконерите“ ќе имаат можност да се вратат во битката за самиот врв, но и мирно да ја поминат паузата за Мундијалот. Што се однесува до кадровските решенија Алегри нема да може да смета на Погба, Де Шиљо и Алекс Сандро, додека Влаховиќ и Киеза се под знак прашалник.
Работите одат според планот за Лацио
Лацио години наназад се обидува да обезбеди пласман во Лигата на шампиони, па главна цел за тимот ќе биде тоа и оваа сезона. Тимот на Сари игра одлично во Серија А оваа сезона и моментално се наоѓа на делба на второто место на табелата. Лацио ги задржа најдобрите фудбалери во летниот преоден рок, додоа неколку големи засилувања како Ромањоли, па тимот сигурно до крај ќе се бори за пласман во Топ 4. Тимот е во одлично расположение и со самодоверба после победата во градското дерби над Рома, па сигурно доаѓа во Торино да освои бодови. Што се однесува до европските натпреварувања, Лацио помалку несреќно не успеа да ја мине групата во Лига Европа и на пролет ќе игра во Лигата на конференции. Меѓутоа, од клубот се изјаснија дека не ги интересира тоа натпреварување, па ќе можат да се насочат само кон Серија А. Тренерот Сари за овој меч нема да може да смета на Имоболе и Закањи, а под знак прашалник се Лазари и Патрик.
Очекување
Очекуваме тврд натпревар кој ќе биде одлучен од мали детали и веруваме дека нема да има многу голови, бидејќи се сретнуваат два тима со исклучително добри одбрани.
Be the first to comment