Денес на програмата има многу возбудливи дуели, но дербито на денот се игра во Швајцарија каде Јанг Бојс го пречекува големиот ривал Базел.
Ова е дуел од 14-то коло во швајцарската супер лига каде Јанг Бојс како лидер на табелата го пречекува Базел, кој пак имаше слаб старт на сезоната и моментално е на 6-та позиција на табелата.
Јан Бојс сака да ја зачува лидерската позиција на табелата
Фудбалерите на Јанг Бојс не се прославија минатата сезона кога завршија на третото место на табелата, што значеше квалификации за Лига на конференции. Меѓутоа, „младите момци“ не успеаа да се квалификуваат , па останаа без европски натпреварувања, па оваа сезона целосно се фокусирани на шампионатот. Поради тоа не е изненадување што тимот од Берн моментално е на првото место на табелата и има четири бода повеќе од второпласираниот Сервет. До сега Јан Бојс одигра 13 меча во лигата каде оствари 8 победи, 4 ремија и само еден пораз. Минатото коло одиграа реми против Сион, па сега ќе сакаат да имс е вратат на победите. Избраниците на Рафаел Вики играат одлично на домашен терен, па се фаворити во ова дерби. Ова дерби е празник за швајцарскиот фудбал, па ако се осврнеме на традицијата на последните девет меѓусебни средби Јанг Бојс не знае за пораз. Поради тоа домаќините во одлично расположение ќе го пречекаат својот најголем ривал.
Базел имаше лош старт на сезоната
Базел минатата сезона заврши на второто место, но со големо заостанување зад Цирих, па не беше достоен конкурент за титулата. Така Базел успеа да избори пласман во Лигата на конференции, што и беше нивна главна цел, но оваа сезона стартуваше многу лошо во лигата. Мора да се признае дека сите очекуваа подобри партии од Базел оваа сезона, кој моментално се наоѓа на шестото место на табелата. Има дури 11 бода помалку од Јанг Бојс, па ова за нив е меч на вистината и ќе покаже дали можат да фатат приклучок за врвот. На последните пет меча Базел оствари две победи, две ремија и еден пораз, но минатото коло покажа дека се враќа во форма. Сигурно избраниците на Фреј ќе направат се за после девет меѓусебни дуели конелно да дојдат до триумф над големиот ривал.
Очекување
Кога играат овие два ривали формата и позицијата на табелата никогаш не се важни. Сепак, по традиција нивните дуели изобилуваат со голови и возбудувања, па очекуваме така да биде и денес.
Be the first to comment