Во обид да ги одржат живи своите мали надежи за автоматска промоција на СП во Катар, Обединетите Арапски Емирати ја пречекуваат Сирија во Дубаи во квалификациите во четврток.
Домаќините ја заземаат третата позиција во групата А со преостанати четири натпревари, додека нивните гости сеуште се без победа и со два бода се на дното на табелата.
ОАЕ ја бара првата домашна победа
ОАЕ имаше далеку поголеми надежи во оваа група за пласман на Мундијалот во Катар. Првите две селекции од групата одат директно на СП, додека третиот игра бараж. Трети се, но имаат само шест бода и заостануваат со осум бода од Јужна Кореа и со 10 бода од Иран. Шансите за директен пласман се сведени на теорија, а треба да с епомачат за да го зачуваат третото место на табелата.
Се разбира, на селекторот Марвијк не му е непознат успехот на светската сцена, откако ја одведе Холандија до финалето на Светското првенство во 2010 година и тој прави добра работа со неговата селекција. Но неговиот тим беше поразен со 5:0 од Катар во четврт-финалето на Арапскиот куп минатиот месец.
Обединетите Арапски Емирати, исто така, не успеаја да победат на ниту еден од нивните први три натпревари од квалификациите за Светското првенство на домашен терен и сега ќе ја бркаат првата победа пред своите навивачи.
Сирија без шанси
Квалификациите за Светското првенство за Сирија завршија уште пред да почнат, чие чекање за прв настап на еден Мундијал сигурно ќе продолжи.
Сиријците освоија само два бода од можните 18 во групата А за да се најдат на дното на табелата – губејќи го последниот натпревар од Иран со 0:3 – а нивната кампања на Арапскиот куп во Декември беше исто така за заборав откако испаднаа од групната фаза.
Но интересно е тоа што, екипата на Валериу Тита беше елиминирана во групната фаза и покрај тоа што забележа убедлива победа од 2:0 над еден од фаворитите Тунис. Си има Сирија еден куп проблеми, дури и со основни работи како на пример тренинзи. Натпреварите не ги играат дома поради војната и играат во Јордон, а нивната лига е ограничена само на мал дел од сириската територија. Затоа, секој бод за нив е огромен успех сам по себе.
Be the first to comment