По официјалното објавување на веста, сега и дефинитивно знаеме дека навивачите ќе имаат дозвола да присуствуваат на стадионите на ЕУРО 2020! УЕФА за да им помогне на имателите на билети даде одговори за некои од најчесто поставуваните прашања.
Дали гледачите ќе можат да присуствуваат на натпреварите на ЕУРО 2020?
Да! Фановите ќе можат да присуствуваат на натпреварите на ЕУРО 2020 ова лето.
Во моментов девет градови домаќини ги потврдија капацитетите на стадионите, вклучувајќи ги Амстердам, Баку, Букурешт, Будимпешта, Копенхаген, Глазгов, Лондон, Рим и Санкт Петербург.
Градовите Билбао во Шпанија, Даблин во Р.Ирска и Минхен во Германија имаа рок до 23-ти април да дадат дополнителни информации за нивните планови.
Непопустливост на градските власт во Даблин и Билбао во однос на присуството на публика на стадионите ги чинеше губење на организацијата на натпреварите од претстојното Европско првенство.
Колку навивачи ќе бидат дозволени на стадионите
Санкт Петербург и Баку потврдија капацитети со исполнетост од 50%.
Будимпешта има за цел да биде домаќин со 100% од капацитетот на стадионот, но со строги услови за влез на стадионот за гледачите.
Амстердам, Букурешт, Копенхаген, Глазгов и Рим ќе бидат домаќини на 25% – 33% од капацитетите на стадионите.
Лондон потврди минимален капацитет од 25% за првите три натпревари во групата и осминафиналето.
Амстердам, Букурешт, Копенхаген и Санкт Петербург ја одржуваат отворена опцијата за зголемување на бројот на дозволени навивачи на стадионите. Лондон исто така се надева дека ќе потврди поголем капацитет за полуфиналето и финалето, но за таа одлука ќе се чека до почетокот на месец Јуни.
Како беа донесени одлуките околу исполнетоста на капацитетите на стадионите?
Одлуките ги донесоа домаќините. Клучен индикатор беше проекцијата на подобрена здравствена состојба во нивните земји. Беа земени во предвид многу фактори, вклучувајќи го и локалното вакцинирање, нивните планови за повторно отворање на економијата и очекуваното забавување на вирусот поради потоплите температури.
Во многу земји, ЕУРО 2020 веќе беше дел од нивната национална стратегија за закрепнување од економските последици.
Покрај тоа, УЕФА тесно соработуваше со Светската здравствена организација (СЗО) за да ја прилагоди алатката за проценка на ризикот на СЗО COVID-19 за ЕУРО 2020.
Be the first to comment