Реал Мадрид и Челси се подготвија за првиот натпревар од полуфиналната пресметка во Лигата на шампионите на стадионот „Алфредо ди Стефано“ во вторникот вечер.
Реал го резервираше својот фајнл-фор благодарение на вкупната победа над Ливерпул со 3:1 во четврт-финалето, додека Челси преживеа пекол против Порто за да го за да го мине португалскиот великан со вкупни 2:1 и покрај поразот на домашен терен со 0:1.
Зидан мудро ги надминува дефанзивните проблеми
Како резултат на настаните што некои ги опишаа како карма, клубовите од европската Супер лига поминаа лошо минатиот викенд. Арсенал загуби од Евертон, Ливерпул прими гол за израмнување во последен момент од Њукасл, а Реал Мадрид ја пропушти шансата да се искачи на врвот во Ла Лига бидејќи во саботата одигра само 0:0 против Реал Бетис.
Додека Флорентино Перез – сега јавен непријател број еден во фудбалот – гледаше, напаѓачите на Реал беа очајни.
Но, додека Реал не можеше да ја потврди својата доминација над своите противници во групната фаза, Аталанта и Ливерпул станаа жртви на супериорноста на тимот на Зинедин Зидан во нокаут рундата, иако Зидан се соочуваше со огромни дефанзивни проблеми.
Можеби Реал сега има мал пад во формата, но дефанзивците полека се враќаат во стројот. Резултатот со Бетис претставуваше трет меч кој заврши 0:0 на последните четири натпревари во сите натпреварувања за Реал. Но тие имаат серија од 17 натпревари без пораз во сите натпреварувања откако загубија со 2:1 од Леванте на 30-ти јануари.
Уште поимпресивна делува дефанзивата на Реал и покрај тој што постојано фалеше по некој играч во тој дел од теренот.
Ниту еден тим не успеа да постигне повеќе од еден гол против Реал во оваа серија од 17 натпревари. Понатаму, Реал прими само два гола на последните пет натпревари во Лигата на шампионите и има освоено девет од последните 10 нокаут натпревари во натпреварувањето.
Тухел одлично се вклопи во Челзи
Блескавата реакција на Тухел на промашувањето на Тимо Вернер во второто полувреме против Вест Хем донекаде ја прикажа најдобро катастрофалната форма на германскиот напаѓач. Но за среќа на поранешниот голгетер на Лајпциг, тој веќе ја заврши сушата со голот во првиот дел за победа на Челзи од 0:1. Тој меч беше од голема важност за Челзи и беше директен дуел за пласман во Лигата на Шампионите. Сега Челзи бега со три бода во однос на петтиот Вест Хем.
Вернер не успеа да постигне погодок на ниту еден од неговите последни седум натпревари во Премиерлигата пред саботното дерби во Лондон, но тој по голот во саботата би требало конечно да ја подигне својата самодоверба и тоа токму пред мечот со Реал Мадрид.
Но Тухел има крајно тешка задача до крајот на сезоната. Освен дуелите со Реал, тука е и финалето во Фа Купот со Лестер, а во Премиер Лигата има пеколен распоред и во последните четири меча ќе игра против Сити, Арсенал …
Тухел сепак на одличен начин ја врши својата работа откако дојде на местото на Лампард. Тимот ја подигна формата, почна да игра подобро и подобро и Тухел има само два порази на 21 натпревар досега.
Be the first to comment